ЖЕСТОКО ИНТЕРВЈУ НА САШЕ ПОЛИТИКО СО ЕДЕН ОД ВОДАЧИТЕ НА ЛЕВИЦА: ДОБРО, ЗОШТО НЕ ПОМОГНЕТЕ ДА ВЛЕЗЕМЕ ВО ЕУ И НАТО ЗА РАБОТНИЧКАТА КЛАСА ДА ВИДИ БЕЛ ДЕН, ЗОШТО СЕ ОДНЕСУВАТЕ КАКО РАДИКАЛНА ДЕСНИЦА А НЕ КАКО ЛЕВИЦА?!

Објавено на 15.06.2018 во 22:21:05 часот | Македонија

Мактел: Господине Лутовски, дали сте дел од президиумот на Левица, можете ли да зборувате во името на Левица?

Д.Л: Не сум веќе во Президиум но сум дел од Централниот Комитет, највисок орган помеѓу два Пленуми.

Мактел:  Ок, кој е вашиот став за договорот со Грција? И дали постои усогласеност на партијата со ставовите на Апасиев или тој делува на своја рака во јавноста со своите тврди националистички изјави?

Д.Л: Нашиот став за договорот е дека се работи за уцена и притисок од посилната страна во овој спор, а се тоа е изнудено поради престојниот НАТО самит. Владата сака набрзина, без да организира референдум  за влез во НАТО и да ја слушне народната волја, да ја зачлени Македонија во Алијансата.

Ние како левичарска партија се противиме на членството во овој  (а и секој друг) империјалистички воен сојуз. Оттука е и нашето најголемо спротиставување на ова. Ставовите на Левица се усогласуваат преку внатрешна политичка дебата. Никогаш не се случило и нема да се случи еден човек (било кој и да е тој) да носи одлуки на своја рака во име на Левица.  Ние не сме султан партија.

Мактел: Но референдум сепак ќе има и ќе биде обврзувачки?

Д.Л:  Тоа што владата најави референдум за името а не за НАТО и тој референдум не е никаква гаранција дека тој референдум кје биде фер и демократски.  Имаме ситуација каде историски сме имале злоупотреби и уцени при гласање, а покрај тоа кје биде во функција и масовната машинерија која ќе треба да креира параноја и страв кај грагјаните дека доколку нема решение кје настане потоп. Тоа ќе биде само круна на масовната пропаганда која векје 27 години се плете околу прашањето за влезот во НАТО.  "Стратешкиот приоритет" е наметнат од позиција на политичка моќ и е плод на истата долгогодишна пропаганда.

Мактел: Значи сега сте против референдум?  Што ако над 1 милион граѓани сакаат компромис и членство во ЕУ и НАТО, имаат ли тие демократско право да се изборат за тоа?

Д.Л: Никаде не реков дека сум против референдум за името, но се плашиме ќе нема за НАТО. Во Левица започнува дискусија за нашето позиционирање во однос на референдумот за името. Само потенцирав дека нема никаква гаранција дека тој референдум ќе биде демократски.

Мактел: Но еден референдум ќе биде и за НАТО и за името, ќе се врзат двете работи во едно прашање, но ме интересира, дали во Левица некогаш сте размислувале за тоа дека НАТО некогаш е и гарант на мирот, дека делува одбивачки кон потенцијални агресори и превенира конфликти и војни, дали не мислите дека е можно во случајот со Македонија, тоа да превенира војни во Македонија, нешто за што вие се борите како крајна цел, да има мир, нели?

Д.Л: Да видиме за какви војни станува збор? НАТО ги штити своите земји членки од надворешна агресија на некоја земја која не е од пактот. Во таков случај на агресија, НАТО членките би се солидаризирале со својата нападната членка. Кој е потенцијал агресор на Р. Македонија? 3 од вкупно 5 наши соседи се членки на НАТО? Дали согласно оваа логика, доколку не влеземе во НАТО,  НАТО може во иднина да не нападне? Па нели е тоа одбранбен сојуз? Или можеби очекуваме воена агресија од Р. Косово и Р. Србија? Мислам дека не е баш сериозно да се тврди дека Србија или Косово би не нападнале.  НАТО нема мандат да решава внатрешни судири и проблеми. Како за пример имате внатрешни воени судири во земји членки на НАТО  (Шпанија и Турција)  кои траеле и траат и покрај тоа што овие држави се членки на НАТО.  Го имате и примерот на сепаратизмот на Каталонија.  Очигледно влезот во НАТО не е гаранција за превенирање на внатрешни меѓуетнички судири.

Мактел: Па ти велиш 3 од 5, значи остануваат 2 кои не се дел од НАТО? И зошто не е сериозно да се каже дека Србија и Косово би не нападнале, кога Косово еднаш не нападна, а Србија еднаш не има безбедносно загрозено со тоа што ни ја зема целата војска и заговараше поделба на земјата со помош на Грција па Бугарија и Албанија за среќа тоа го одбиле како опција?

Д.Л:  Не сум информиран дека Република Косово извршила агресија врз Р. Македонија. Доколку мислите на конфликтот 2001, тоа беше внатрешен судир со одредена инволвираност на борци од Косово.  Државата Косово не постоеше во 2001 година, таа е формирана во 2008-ма година.

Мактел: Добро ај нека е и така, со што мислам дека многу луѓе нема да се согласат, но зошто сепак за секој случај да не се зачлениме, како еден вид гаранција, тоа е како да врзете појас кога возите кола, нели? И кога збориме за вашиот интерес  како левица да се борите за светскиот мир, нели е подобро да влеземе во НАТО и ЕУ па таму со правото на вето да се бориме за светски мир? Отколку да останеме надвор како тринаесто прасе, тотално небитни и очајни?

Д.Л:  Не гледам политичка корист во зачленуванје "за секој случај" кога не постојат тие реални безбедносни закани по мирот. Не е возможно да се бориш за светскиот мир со давање на легитимитет на организација која има намера да војува, впрочем за тоа е и формирана.  За светскиот мир можат да се борат мировни и анти-милитаристички организации, а не воени агресори.

Мактел: Вие како Левица се борите за работничките права, тоа ви е најбитна кауза ако не се лажам, тогаш да ве прашам, каде подобро живее работничката класа, во земјите на ЕУ и НАТО или во земјите кои не се во ЕУ и НАТО?

Д.Л:  Не нужно може НАТО да го врзуваме со економски просперитет. Постојат земји кои не се во НАТО, а сепак се економски просперитетни  (Шведска, Финска, Ирска, Малта).  Од друга страна, ја имате Бугарија која е и во НАТО и во ЕУ, а сепак е сиромашна земја.  Да се потсетиме на 2013 година (9 години после нејзиното зацхленување во НАТО) кога имаше големи протести против сиромаштија и корупција и дури имаше неколку лица кои се самозапалија во знак на протест.

Левица не е партија која се бори за изолација. Напротив, заедно со сродните партии и организации кои се во Европа ние се бориме за здружување на европските народи врз база на солидарност и рамноправност и заедно со нашите соборци од Европа се залагаме ЕУ да биде социјално праведна унија,  наместо унија која служи за економски империјализам на центарот кон периферијата. Впрочем официјална програмска заложба на европските левичарски партии е трансформираење на ЕУ во социјално праведна унија.

Мактел: Но сепак, сте биле ли на граничниот премин Деве Баир во последно време, јас таму како дете одев да носам роба од Бугарија во Македонија, сега е обратно? Бугарија може стартувала од многу ниска точка, но напредокот се гледа на секој чекор ако сте биле во Софија во последно време?  Бугарија и Романија беа мизерни земји но откако влегоа во ЕУ и НАТО имаа милијарди евра инвестиции, дојдоа големи кропорации кои ја зголемија вработеноста и имаше драстичен раст на платите и пензиите и квалитетот на живот... Што е најинтересно, со ЕУ пасош, трудот на радничката класа во Македонија ќе се мери со цената на трудот во Германија каде земаат плати од 2000е месечно, зарем тоа не е плус за вашите гласачи и симпатизери? И она што најмногу изненадува кај вас е опседнатоста со името, па зарем вие не сте левичари оперирани од национализам, зошто се однесувате како крајна десница по ова прашање?

Д.Л: Сигурно Бугарите не би се согласила со констатацијата дека нивната земја е сјајна, особено ако го имаме предвид масовното отселување од Бугарија  (па и од Романија), дури и кога е членка во НАТО и ЕУ.  Нема логика некој да бега ако му е убаво.  Корпорациите секогаш доаѓаат кога има даночни олеснувања и разни бенефити со цел да го максимизират својот профит. Тие доаѓаат да инвестираат во места каде што има ефтина работна рака и каде ќе можат да ги уживаат бенефициите кои најчесто одат на товарот на јавниот буџет. Македонската држава одамна ја имаа започнато таа трка кон дното во привлекување на странски капитал.

Македонското стопанство не мозхе да се мери со Германското. Германија е моќна земја од центарот, Македонија е мала земја на периферијата. Доколку алудирате на тоа дека нашите граѓани, гласачи и симпатизери полесно ќе можат да се отселат во некоја западна земја, тогаш навистина не можеме да зборуваме за напредок на оваа земја и опсхтество.

Мактел: Значи Бугарија е полошо од што беше пред да влезе во ЕУ? И не велам да се отселуваат, туку можат да работат сезонски, тоа го прават и сега но се уценувани затоа што немаат ЕУ пасош... И работат за многу помали плати од Пољаците и Бугарите.. Затоа 100 000 земaа бг пасоши тоа вие како левица нели го гледате, зошто се правите слепи за тоа? И ако е исто во ЕУ и НАТО, и надвор од ЕУ и НАТО, зошто нашите не се иселуваат во Белорусија, Украина, Молдавија, Русија?

Д.Л: Значи според вас, целта на нашиот влез во ЕУ би била полесно напуштанје на земјата?  Нели разговараме за напредок и развој? Како тој напредок може да се отствари ако сите се отселиме?

Мактел: Не велам да се отселиме, но стотина илјади наши работат сезонски во ЕУ, возат камиони, работат на бродови, во потрага по лепче и тоа е еден сегмен, но мнобу повеќе ќе има инвестиции, Албанија откако влезе во НАТО има десетина милијарди евра инвестиции, исто е со Црна Гора и Хрватска.. Многу чудно е да го негирате тоа,  нели е пологично вие како левица да се борите за побогата работничка класа?

Д.Л: Земјите од периферијата се отселуваат во земји од центарот. Бугарија, Хрватска и Романија се во ЕУ. Нивни граѓани се отселуваат во Германија (претходно и В Британија). Значи ЕУ се отселува во ЕУ! 

Мактел: Факт е дека Македонците живеат лошо,  ни требаат инвестиции, сигурност, нели е ЕУ и НАТО добар пат за да се случи тоа, зошто се инатите,  зошто не помогнете?  Дури и трудот на селаните ќе се цени повеќе, своите производи ќе си ги продаваат на пазарите во ЕУ дирек од гепек, со што ќе си го наплатат трудот, сега ги фрлаат производите во канали затоа што никој не им ги купува производите? Затоа што не сме дел од ЕУ, македонските селани и радничката класа е тука затворена како во конц логори, свесни ли сте за тоа како левица?

Д.Л: На работничката класа никој ништо не и подарил. Сите придобивки ги има отстварено низ борба и заемно учење. Дури и во развиените европски земји,  ден денес има масовни штрајкови и протести кога работниците кје се почуствуваат загрозено од мерките на капиталот  (Франција е свеж пример). Доколку  работниците сами не се бореле, немало ништо да добијат на тацна од капиталот.  Повторно ќе нагласам дека ние не сме за изолација и не сме против европското здружување. Тој став го афирмирав погоре во одговорите.

Мактел: Но зошто толку ви е важно името, вие не сте десничарска партија, зошто не понудите на народот леб наместо националиазам?  Зошто не сте први кои ќе се борат за компромис со Грција, тоа носи мир, носи повеќе пари, нели вие сте за тие работи? Личите на некакво вмро крајна десница?

Д.Л: Околу прашанјето за нашата опседнатост со името, просто не е точно.  Левица е активна на многу полиња кои немаат врска со името.  Левица активно ги поддржува протестите против отворање на рудници во Југоистокот.  Ние имаме став кој го брани името од левичарски позиции. Ние го афирмираме правото на самоопределување и не прифаќаме уцена од позиција на мокј, особено не заради влез во НАТО. Нас не ни се битни симболите, Александар Велики и слично.

Тоа дека личиме на крајна десница е провидна манипулација која е лансирана од прес центарот на владеачката партија.  Интересно е како ние "екстремната десница" имаме најплодна соработка со грчки организации и партии.  Имаме зачестени посети од двете страни на границата.  Вчера наши членови учествуваа на протест во Атина против мерките за штедење наметнати од СИРИЗА и еден наш член оддржа говор на протестот. СДСМ никогаш немала ваква соработка со грчки сродни организации како што имаме ние.

Мактел: Но зарем не го разбирате концептот на компромис? И помирување меѓу две земји, ако беше така војните никогаш нема да завршат?  И сите земји и соседи ќе беа со затворени граници, се помирлиле и Франција и Германија кои војувале со векови, еве сега се помируваат и  Северна и Јужна Кореја итн итн?  Секоја земја трга од своја вистина и го смета барањето на другата за уцена итн итн тоа ви е веројатно јасно?

Д.Л: Македонија со Грција не беше во војна, затоа овие споредби не се баш најсоодветни.  Не верувам во категоријата "своја вистина".  Постои нешто што е исправно и нешто схто не е исправно.  И најголемите злосторници во историјата можеле да се повикуваат на "своја вистина", но тоа воопшто не значи дека позицијата на уценувач и уценуван треба да се израмнат.

Да не се разбереме погрешно, доколку МК беше посилата страна која уценува промена на име на Р. Грција, јас како марксист кје застанев на страна на Грција и кје го уважував нејзиниото право на самоопределување. Без разлика што по некоја случајност сум се родил како Македонец. Впрочем тоа е принципиелна позиција на многу наши грчки другари.

Мактел: Но не мислите белким дека работниците во Франција, Полска, Германија земаат по 200 евра на ден само затоа што се многу  вредни или имаат јаки синдикати, туку дека земјите се отворени, со решени прашања со соседите, интегрирани во ЕУ и НАТО кое дава безбедност на капиталот за правење големи профити кои потоа делат и големи плати, тоа нешто јасно ли ви е? Самите вие нели во животот правите некогаш компромиси, не може со фатализам да се оди нити во животот нити како земја да се тера таква политика...

Д.Л: Работниците во Германија и Франција се дел од развиени капиталистички економии кои припаѓаат на капиталистичкото јадро и истите не можат да се споредуваат со работниците од Македонија. Не постои нешто како рамномерен развој во рамки на капитализам.

Мактел: Фала ви многу за интервјуто, мене ми останува како новинар да ве замолам како партија Левица да се предомислите по прашањето на компромисот со Грција и да помогнете во овој процес затоа што знам дека немате зла намера ниту пак се на нечиј платен список за да одработувате за нечии интереси туку сте искрени во вашите идеали за подобар живот на работничката класа, поздрав.

 

 

* реклами:

 

 

Македонија

Свет