СДСМ: За разлика од криминалното и расипничко владеење на ВМРО-ДПМНЕ, владата предводена од СДСM работи на воспоставување целосно нов систем за градобијна заштита

Објавено на 10.07.2018 во 23:09:41 часот | Македонија

ВМРО-ДПМНЕ со години не инвестираше во системот за градобијна заштита, Владата предводена од СДСМ вистински се грижи за земјоделците

По сите малтретирања, уцени и понижувања што им ги правеше на земјоделците, по аграрниот пустош што го остави зад себе, ВМРО-ДПМНЕ денес нема минимум кредибилитет да зборува за состојбата во землоделството.

Додека ВМРО-ДПМНЕ ги трошеше парите на граѓаните на луксуз, барок и криминални тендери, 10 години не беше инвестирано во системите за градобијна заштита и во ниту еден дел од техниката во Управата за хидрометеоролошки работи.

За разлика од криминалното и расипничко владеење на ВРМО-ДПННЕ, Владата предводена од СДСМ и Министерството за земјоделство, шумарство и водостопанство, работи на воспоставување целосно нов систем за градобијна заштита. Во таа насока, годинава е инвестирано во три агрометеорлошки станици во државата, нешто што со години не било направено. Во Кочани, Струмица, Градско се инсталирани комплетно нови агрометеоролошки станици, а голем дел од метеоролошките станици на УХМР кои со години беа запоставени сега се реконструирани.

Лажните вести информации се единствениот начин на дејствување на ВМРО ДПМНЕ. Не е точно тврдењето на ВМРО-ДПМНЕ дека мерката за покривање на 60 отсто од трошоците за осигурителни полиси е укината. Мерката ќе продолжи да постои,  сите земјоделци што ги исполниле условите за оваа мерка се веќе исплатени.

За разлика од ВМРО-ДПМНЕ, партијата на којашто и е битна само одбраната на  криминалнот, СДСМ преку Владата што ја предводи покажува вистинска грижа за земјоделците и работи исклучиво на унапредување на земјоделството како една од најзначајните стопански гранки на Република Македонија.

 

Скопје, 10.07.2018                                        ЦЕНТАР ЗА КОМУНИКАЦИИ СО ЈАВНОСТА

                                                          СОЦИЈАЛДЕМОКРАТСКИ СОЈУЗ НА МАКЕДОНИЈА

 

 

* реклами:

 

 

Македонија

Свет