УАПСЕН СТЕВЧО ЈАКИМОВСКИ, СЕ СОМНИЧИ ЗА КРИМИНАЛ ОД НЕКОЛКУ МИЛИОНИ ЕВРА!!!

Објавено на 08.08.2018 во 10:29:45 часот | Македонија

Јакимовски приведен, ќе биде изведен пред судија на претходна постапка

Поранешниот градоначалник на Карпош Стевчо Јакимовски синоќа е приведен и се наоѓа во една од полициските станици во Скопје. До крајот на денот се очекува тој да биде изведен пред судија на претходна постапка.

– Стевчо Јакимовски синоќа околу 23 и 30 минути е лишен од слобода. Согласно Законот за кривична постапка течат роковите и во наредните 24 часа тој треба да биде изведен пред судија на претходна постапка. Дотогаш тој ќе биде во полициска станица. Очекуваме утрово да бидеме повикани пред судија на претходна постапка кога ќе се знае дали ќе има некакви предлог мерки од обвинителството и другите надлежни органи, изјави адвокатот на поранешниот градоначалник Виктор Цветковски.

Според Цветковски, ова е атак врз политичкиот ангажман на Стевчо Јакимовски.

Финансовата полиција вчера влезе во неколку станбени објекти на семејството Јакимовски барајќи документи за одредени случаи.

Засега од финансовата полиција нема официјални информација.

Финансиската полиција синоќа во 12 часот го заврши претресот во домовите на поранешниот градоначалник на Општина Карпош Стевчо Јакимовски, јавува репортерот на Курирод терен.

Екипите на финансиската полиција го напуштија домот на Јакимовски, а веднаш по нив се упати и екс градоначалникот кој како што кусо рече, со својот адвокат ќе оди на информативен разговор.

Претходно во изјава за медиумите тој смета дека денешниот претрес во неговиот ден е политички притисок пред претстојниот референдум.

-Тоа е причината. Политички притисок пред референдумот и се она за што тие ни се закануваат наназад веќе пет години, но сакам јасно да порачам дека ГРОМ дали јас ќе бидам жив или мртов нема да излезе на овој референдум. Посготвен сум сите проблеми кои ќе ми ги прават стоечки да ги издржам и сметам дека ова е една ненародна власт која се здружила со криминалци за наводно да брка криминал за работи за кои апсолутно нема никаква врска со мене како градоначалник, нагласи Јакимовски.

Тој појасни дека како градоначалник потпишува одлука за избор на најповолен понудувач и договор со фирмата, која врз основа на тоа оди во банката за да земе банкарска гаранција.

-Не сте крив затоа што сте крив, туку сте крив зошто треба да бидете крив. Очигледно на оваа власт и требаат виновници за нејзините неуспешни политики. Тие денес се овде во мојот дом, во домот на моите деца, во домот каде претходно сум живеел. Мене ми е жал што морам на македонската јавност да и соопштам дека ме известија дека од судството е напишано решение за мое спроведување, нагласи Јакимовски.

Стевче Јакимовски ќе мора да се појави на разговор во полиција. Како што самиот им соопшти на медиумите, дознал дека веќе има решение за неговото приведување. Повеќе од три часа финансиската полиција врши претрес во неговиот дом, но и во домот на неговите деца. Јакимовски на медиумите им кажа дека не е виновен за ништо и дека не правел финансиски малверзации, а дека овој претрес е политичка одмазда. Поранешниот градоначалник на медиумите им објасни дека финансиската полиција бара докази за финансиски малверзации поврзани со три тендери, од кои два за општинската барака и една за плоштадот во Жданец. Како што рече Јакимовски, ангажираната фирма не ги исполнила одредбите од договорот и поради тоа морале да го раскинат истиот, но вработените во општината заборавиле да ја активираат банкарската гаранција. Според Јакимовски се рабооти за техничка грешка, а не и за криминал.

За потсетување, кривичните пријави кои претходно ги поднесе финансиската полиција, меѓу која и онаа за мостот ОКО во која се терети поранешниот градоначалник на Центар, Владимир Тодоровиќ, исто така се однесуваат на злоупотреба направена поради неактивирање на банкарски гаранции по раскинување на договор, со што парите завршувале во буџетите на фирмите чии договори веќе биле раскинати, а не во буџетите на општините.

 

 

* реклами:

 

 

Македонија

Свет