ХАРИ КОСТОВ, ИЉО ИЉОВСКИ И ШТЕРИЕВА СЕ СТРАШНО БАНКАРСКО ТРИО: Комерцијална Банка станува регионален банкарски џин, денеска заедно со БАЛФИН групацијата ја купија најголемата банка во Албанија, банката во Тирана, сега заедно со БАЛФИН ќе менаџираат капитал од 3 милијарди евра!

Објавено на 08.08.2018 во 12:28:49 часот | Македонија

08.08.2018 - Групацијата Балфин и Комерцијална банка АД Скопје ја преземаат Тирана банка од Пиреус банка

Групацијата Балфин и Комерцијална банка АД Скопје со задоволство објавуваат дека потпишале обврзувачки договор со Пиреус банка за купување на акциите на Тирана банка. Балфин ќе поседува мнозинство од овие акции.

Балфин и Комерцијална банка АД Скопје имаат долга историја на соработка во Република Македонија и ова е прва инстанца за заедничко работење во Република Албанија.

Купопродажната трансакција е предмет на соодветни регулаторни одобренија во поединечните јурисдикции.

Балфин и Комерцијална банка АД Скопје планираат Тирана банка да функционира како независна банка со која ќе управуваат искусни професионалци, предводена од меѓународен Управен одбор и ќе продолжи да ги проширува активностите на банката во Република Албанија.

Тирана банка отсекогаш била клучна банка во финансискиот развој на Република Албанија и беше првата приватна банка која се појави на локалниот пазар. Со одлична репутација и вработени, Тирана банка е една од најдобрите банки во Република Албанија.

Балфин и Комерцијална банка АД Скопје планираат да ја надоградат таа репутација и доверба од клиентите и понатаму да ги зголемат активностите на банката.

Балфин има огромно инвестициско портфолио во земји како Албанија, Македонија, Косово, Босна и Херцеговина, Црна Гора, Австрија и Обединетото Кралство, кое заедно со Тирана банка достигнува скоро 1,4 милијарди американски долари.

Комерцијална банка АД Скопје е често наградувана банка во Република Македонија со водечки пазарен удел во корпоративното кредитирање, малопродажбата и развивање на нови производи користејќи интернет платформи. Со вкупна актива од над 1,73 милијарди евра Комерцијална банка АД Скопје е една од најголемите банки во Југоисточна Европа.

Комерцијална Банка е менаџирана од искусното банкарско трио Хари Костов, ЦЕО, Иљо Иљоски, ЦТО, и Маја Штериева, ЦФО. Браво за тројцата, ова е прв пат во историјата на Македонија, наша банка да се шири во странство и да го  освојува балканот, тоа е нов девизен прилив во земјава преку профити и делење дивиденди за акционерите.

 

 

* реклами:

 

 

Македонија

Свет