СДСМ: 12 години општина Ѓорче Петров беше заборавена општина заради ВМРО-ДПМНЕ, денес се реализираат проекти во интерес на граѓаните

Објавено на 19.05.2019 во 20:38:41 часот | Македонија

Нема поголема иронија од тоа ВМРО-ДПМНЕ да зборува за заборавени општини. 12 години ВМРО-ДПМНЕ имаше локална власт во општина Ѓорче Петров и не направи ниту еден единствен проект што е од интерес на граѓаните и општината.

Ѓорче Петров беше заборавена општина цели 12 години кога ВМРО-ДПМНЕ имаше целосна локална и централна власт.

Заради лични и бизнис интереси, Ѓорче Петров уназадуваше и тонеше, а граѓаните немаа елементарни услови за нормален живот.

За разлика од таквиот однос на ВМРО-ДПМНЕ, денес локалната власт предводена од СДСМ и градоначалникот Александар Наумоски се посветени на развој на општината и спроведување проекти што се во интерес на граѓаните.

За одговорното и домаќинско работење сведочи фактот дека општина Ѓорче Петров е една од трите општини која во 2018 немала долгови, а долговите направени од ВМРО-ДПМНЕ се вратени за само една година.

Се гради водоводната мрежа во село Никиштане населено место кое со години беше заборавено од ВМРО-ДПМНЕ. Привршува поставувањето на фекална канализација во населеното место Волково.

Се поставува колектор за атмосферска канализациска мрежа во наслебата Дексион, а наскоро започнува и јавна набавка за модернизација на јавното осветлување во општината.

Обезбедени се средства за изградба на кружен тек во Волково со што се решава деценскиот сообраќаен проблем на граѓаните од тој дел од Скопје.

Веќе ова лето ќе започне изградба на базен во училиштето „Димитар Поп Георгиев Беровски“, а за првпат спортска сала ќе добие и училиштето „Јоаким Крчовски“.

Ова се само дел од мерките што се спроведуваат во општина Ѓорче Петров кои имаат за цел локален развој и подобрување на квалитетот на живот на сите граѓани. Локалната власт предводена од СДСМ продолжува со одговорно, домаќинско и транспаретнтно работење кое е во интерес на граѓаните.

 

Скопје,19.05.2019                                        ЦЕНТАР ЗА КОМУНИКАЦИИ СО ЈАВНОСТА

                                                          СОЦИЈАЛДЕМОКРАТСКИ СОЈУЗ НА МАКЕДОНИЈА

 

 

* реклами:

 

 

 

 

Македонија

Свет