Додека астронаутите на НАСА спроведуваат многу важни истражувања за време на нивниот престој на Меѓународната вселенска станица (ИСС), секако дека сакаат и да се забавуваат додека се таму горе. Едно од прашањата што луѓето постојано ги поставуваат за астронаутите во вселената е како спијат, како се облекуваат, со оглед на тоа што нема гравитација.
Сега астронаутот Дон Петит им даде на луѓето на Земјата поглед во животот во вселената и покажа трик како можат да се облекуваат без да ги користат рацете. Ова е речиси невозможно на Земјата (освен ако немате неверојатна флексибилност), но недостатокот на гравитација на ИСС го прави многу полесно. Во видеото споделено на Икс во последните денови, Дон ги воодушеви луѓето додека лежерно лебдеше покрај панталони во кои чекаше да скокне. И покрај тоа што мораше да ги користи рацете за да го затвори патентот, целата работа е сепак прилично импресивна. Откако ги навлече панталоните без да ги употреби рацете, Дон гордо извика: „Та-да!“. Видеото собра речиси милион прегледи откако беше споделено на почетокот на оваа недела, а луѓето побрзаа да ги споделат своите размислувања за комичниот клип.
OK; you all asked if this was possible….. pic.twitter.com/sMmJJtQNMy
— Don Pettit (@astro_Pettit) February 23, 2025
„По неколку месеци заробени во вселената, вистинското истражување започна“; „Добра работа! Само не заборавајте да ги насочите прстите на нозете“; „Хаха одлично! Тоа сакав да го видам“; „Отклучена нова вештина“, напишаа луѓето.
