Првиот состанок на кабинетот на Доналд Трамп, по неговиот реизбор на највисоката функција во САД, започна со молитва вчера во Белата куќа. Секретарот за домување и урбан развој, Скот Тарнер, зеде збор на отворањето на состанокот и побара божествено водство за новата американска администрација, притоа изразувајќи благодарност до Бога за реизборот на Трамп и за можноста дадена на присутните официјални лица да ѝ служат на земјата.
„Ти благодариме, Боже, за претседателот Трамп… се молиме да им дадеш мудрост на претседателот и потпретседателот да водат“, рече меѓу другото Тарнер.
President Trump’s first cabinet meeting opens in prayer. Amen.
Generations of America’s leaders have leaned on the leading and providence of God. We need God to lead us now.
Thank you @SecretaryTurner pic.twitter.com/n1nFzwGiQY
— Charlie Kirk (@charliekirk11) February 26, 2025
Тарнер нè потсети дека „Библијата вели дека Божјите благослови се нови секое утро“. Понатаму, тој се молеше за морална јасност во лидерството, нагласувајќи ја потребата од понизност и правда.„Благословен е народот чиј Бог е Господ“, рече меѓу другото министерот за урбан развој, повторувајќи ја намерата на новата влада да ја врати вербата во земјата и да му оддаде чест на Бога преку денешните одлуки и разговори. Републиканскиот претседател, кој беше фатен на камера како внимателно ја слуша молитвата со наведната глава, потоа му честиташе на Тарнер за елоквентниот начин на изразување и му се заблагодари, оценувајќи дека ќе ја направи Белата куќа горда со работата што ќе ја постигне на новата функција.
