Бучковски: Гоце Делчев е мост, а не пречка меѓу двата братски народи

Објавено на 05.10.2019 во 18:52:39 часот | Македонија

Заради руското влијание, но и заради конјуктурната политичка ситуација, во Македонија и во Бугарија повторно се разбудија сили кои се испречија пред зближувањето на двата народа, изјави за БНР.бг поранешниот македонски премиер Владо Бучковски.

– Очигледно е приближувањето на Македонија кон почнување преговори со ЕУ, а извесно е членството во НАТО и тоа предизвикува да се разбудат силите коишто сакаат на Балканот повторно да има дестабилизација. Тие сили се плашат од сојузот и големата коалиција што ја создадоа сегашните раководства на Македонија и Бугарија на патот кон ЕУ – изјави Бучковски.

Според него, тие сили кои постојат и во Бугарија, се обидуваат да го отежнат договорот за добрососедство и да ја тргнат нашата земја од европскиот колосек

– Имам чувство дека и во Бугарија дел од политичарите се исплашија од договорот и од приближувањето на двете страни, затоа што ќе биде затворено македонското прашање и ќе мора да се фокусираат на секојдневните проблеми во општеството. Јас сум убеден дека ние треба да бидеме сојузници и како Македонец мислам дека немаме поголем пријател од Бугарија и бугарскиот народ. Тоа очигледно некому му пречи и во Скопје и во Софија – вели Бучковски.

Тој нагласува дека историјата не може да се промени и затоа смета дека зад форсирањето да се затворат одредени прашања по секоја цена, стои сериозно политичко влијание.

– За мене е неразбирливо зашто комисијата отвора прашања, кои по дефиниција се мост кој дополнително ќе го зајакне нашето сојузништво и партнерство. Личноста и делото на Гоце Делчев е мост меѓу двата братски народи. Не разбирам како е можно симболот на нашето заедништво – иконата на македонската борба за национално единство и самобитност, да биде пречка за продолжување на продлабочувањето на добрососедтсвото. Сметам дека тука постои погрешна политичка, но и научна методологија – вели поранешниот македонски премиер.

 

 

loading...

 

Македонија

Свет