ЗАЕВ: АПЕЛИРАМ ДО БРАТСКА БУГАРИЈА ДА СЕ ОДНЕСУВА ЕВРОПСКИ И ПРИЈАТЕЛСКИ И ДА СЕ ПОМИРИ СО ПОСТОЕЊЕТО НА МАКЕДОНСКИОТ ЈАЗИК

Објавено на 12.12.2019 во 16:17:40 часот | Македонија

* Реклами ----------------------------------------------------------------------------------------
  
---------------------------------------------------------------------------------------------------------
 

* Реклами  ---------------------------------------------------------------------------------

  
---------------------------------------------------------------------------------------------------------

Република Северна Македонија ќе реагира на оценката на Бугарската академија на науките (БАН) дека македонскиот јазик е дијалект на бугарскиот јазик, најави денеска премиерот Зоран Заев.

– Ќе реагираме поради тоа што тоа прашање е дел од прашањето за решавање на проблемите помеѓу Република Северна Македонија и Бугарија во Договорот за добрососедство и пријателство. Првите чекори се направени. Верувам дека тоа мораме да го решиме. Јас не ја знам реакцијата, сега ја слушам од вас. Секако ќе реагираме и преку МНР и ќе ги направиме сите наши коментари откако ќе прочитаме што е самата реакција, изјави Заев одговарајќи на новинарско прашање.

* реклами  -------------------------------------------------------------------------------------

  

-------------------------------------------------------------------------------------------------------

Запрашан дали тоа може да значи суспендирање на преговорите со Бугарија, премиерот Заев нагласи дека Договорот со Бугарија е „внимателно испишан од двата народи заради идентитетските прашања“ и е потпишан на македонски и на бугарски јазик „согласно уставите на двете држави“.

– Таа формулација согласно уставите на државата во самиот договор покажува дека Бугарија се уште не е на чисто со признавањето на нашиот македонски јазик. Тоа е прашање што остана да го решиме низ имплементацијата на договорот и јас верувам и уште еднаш апелирам ако сме Европејци и ако се залагаме за европска демократија и за европските вредности и права, тоа прашање час поскоро да го надминеме, изјави Заев.

Тој нагласи дека верува оти во периодот што претстои пред нас, многу брзо ќе биде надминато тоа прашање.

* Реклами  ---------------------------------------------------------------------------------

    
---------------------------------------------------------------------------------------------------------

– Јас можам така робусно да кажам готово ние тука ќе прекинеме се, но тоа не е политиката што ја водам. Јас сум внимателен политичар низ политиката. Низ пријателство ќе ги најдеме решенијата, но дефинитивно ние сме Македонци кои зборуваме на македонски јазик, најголемиот дел од граѓаните, секако сме мултиетничка земја и на другите етнички заедници кои живеат тука. Очекувам пријателска Бугарија да го надмине ова прашање и да го реши во делокругот на решавањето на оние проблематики што се составен дел на договорот, односно на решавањето на проблемите како што е Гоце Делчев или другите прашања како проблематики што се решаваат, додаде Заев одговарајќи на новинарски прашање по дебата „Патот до членството во НАТО: Од изолирана до интегрирана земја“ на Филозофскиот факултет во Скопје.

 

 

* реклами:

loading...

 

Македонија

Свет