Зекири до Јанушев: 11 години по телефон нарачувавте убиства и пресуди

Објавено на 18.12.2019 во 23:45:06 часот | Македонија

Потпретседателот на СДСМ, Мухамед Зекири на денешната дебата во емисијата „Само вистина“ обвини дека челниците на ВМРО-ДПМНЕ 11 години додека биле на власт по телефон нарачувале убиства и монтирани случаи, меѓу кои и случајот „Монструм“ петкратното убиство кај Смилковско езеро.

-Монструм вие го направивте како случај. Уапсивте невиновни луѓе, тие сега чекаат слобода. 11 години убивавте, 11 години монтиравте, по телефони нарачувате убиства и кој да биде осуден, го заборавивте и Мартин Нешковски, вели Зекири.

Зекири исто така истакна дека ВМРО-ДПМНЕ со сите сили се ангажирале да не дојде до смена на претходниот претседател на Судскиот совет кај кој биле пронајдени пресуди во фиока.

 

 * реклами  ----------------------------------------------------------------------------------

-------------------------------------------------------------------------------------------------------

Како главен проблем во државата кој датира од времето на претходната власт, но и порано, Зекири го посочи правосудството. Тој вели дека ова мора да се реши односно да дојде до прочистување во судството и обвинителствата.

-За 2 и пол години не можеш се да направиш. Правосудсвото е болната точка во оваа земја. Мора да профукнционира правната држава и еднаш за секогаш да се затвори таа тема. Мора да се започне од судиите. Не идната влада, по изборите, туку сегашната и техничката. Мора да се започне веднаш. Ние ги повикавме институциите да се прочисти правосудството, вели Зекири.

 

 

loading...

 

Македонија

Свет