Заев: Од 2017 година испративме 35 кариерни дипломати за амбасадори и само 5 политички решенија

Објавено на 02.01.2020 во 19:09:37 часот | Македонија

Предлагаме ново законско решение за амбасадори, кое ќе ја штити дипломатската служба во иднина, давајќи предност на кариерните дипломати, објави предмалку премиерот Зоран Заев на неговиот фејсбук-профил.

„Од 2017 досега 87,5 отсто од лицата кои се именувани за амбасадори се кариерни дипломати, 35 од нив се професионални, а само 5 се политички решенија. За споредба, во периодот 2006-2017 година, соодносот помеѓу професионалните и политичките решенија бил 42,3 отсто, или во реалноста 33 кариерни (7 вработени непосредно пред испраќање) и дури 45 политички решенија“, истакна тој.

Премиерот Заев додаде дека во 2014 последните 10 амбасадори кои биле испратени на мисија имаат вкупен стаж од 28 години во МНР, за разлика од последните 10 амбасадори во 2019, кои, според него, имаат вкупен стаж од 214 години во МНР.

 

 

loading...

 

Македонија

Свет