СДСМ му одговори на ВМРО ДПМНЕ: Вселенскиот Патријарх го покани Заев додека беше премиер, Заев го плати патувањето од свој џеб

Објавено на 13.01.2020 во 19:25:17 часот | Македонија

spas_zaev

СДСМпреку соопштение реагираше на прес конференцијата на Наум Стоилковски од ВМРО-ДПМНЕ.
Ви ја пренесуваме реакцијата во целост:

ВМРО-ДПМНЕ нема елементарна свесност за тоа што е важно за државата, Вселенскиот Патријарх упати директна покана до Заев додека беше премиер

ВМРО-ДПМНЕ соочени со извесен убедлив пораз на изборите и очај од немање на програма остануваат заглавени во деструктивната матрица.

ВМРО-ДПМНЕ нема елементарна свесност за тоа што е важно за државата и граѓаните.

Денеска, Претседателот на Владата на Република Северна Македонија, Оливер Спасовски, придружуван од претседателот на СДСМ, Зоран Заев оствари средба со Вселенскиот Патријарх г.г. Вартоломеј во седиштето на Цариградската Патријаршија во Истанбул.

Средбата е резултат на поканата што Вселенскиот Патријарх ја упати до Зоран Заев додека тој беше премиер на Република Северна Македонија, а додека се договараше нејзината реализација, во меѓувреме Оливер Спасовски беше избран за премиер во преодната влада.

Сите трошоци за патувањето со комерцијален лет, сите трошоци за сместувањето беа подмирени лично од претседателот Заев, нешто што беше незамисливо за време на владеењето на ВМРО-ДПМНЕ.

Јасна е разликата помеѓу одговорниот, државнички однос на Зоран Заев и СДСМ и деструктивното однесување на Христијан Мицкоски и ВМРО-ДПМНЕ. Тоа граѓаните го гледаат и затоа на 12 април ќе порачаат – режим никогаш повеќе!

 

 

* реклами:

loading...

 

Македонија

Свет