Груби: Убедени сме дека законите за ЈО и изборниот законик ќе се донесат пред распуштање на Собранието

Објавено на 14.02.2020 во 00:13:30 часот | Македонија

Артан Груби вечерва на Фејсбук порача дека ДУИ целосно ги поддржува законите за јавно обвинителство, совет на јавни обвинители, за одбрана, но тука ги спомена и измените на изборниот законик за корекција на изборните единици.

-ДУИ целосно ги поддржува законите за јавно обвинителство, совет на јавни обвинители, за одбрана, изборниот законик со корекција на изборните единици како и Преспанскиот, Охридскиот и добрососедскиот договор. Ние сме убедени дека законите и одлуките ќе се донесат пред распуштање на Собранието. Предвремените избори беа консензуално договорени кај Претседателот Пендаровски и политичката непредвидливост од било која страна е несериозна и неоддржлива за нашата земја, напиша Груби.

Измените на изборниот законик не беа на агендата за носење пред избори, се до вечерва кога ДУИ ги стави во игра и покрај краткиот временски рок до распуштање на Собранието кое треба да се случи во недела.

 

 

loading...

 

Македонија

Свет