ДЕНЕСКА СЕ СЛАВАТ СВЕТИТЕ КИРИЛ И МЕТОДИЈ, ДАЛИ ЗНАЕТЕ ДЕКА НИВНИОТ ГРОБ СЕ НАОЃА ВО РИМ ВО СТАРА ЦРКВА 100 МЕТРИ ПРЕД КОЛОСЕУМОТ?

Објавено на 24.05.2020 во 16:40:28 часот | Македонија

Гробот на сесловенските просветители, светите Кирил и Методиј, се наоѓа во црквата Базилика Сен Клементе во Рим, на само стотина метри одалеченост од Колосеумот.

Гробот бил омилено место за молење на папата Јован Павле Втори односно Карол Војтила кој бил по потекло од Полска.

Влезот во црквите во Рим е бесплатен па ако се најдете некогаш во Рим можете да ја додадете и оваа црква во листата на знаменитости кои треба да ги видите.

Во чест на Денот на сесловенските просветители Св. Кирил и Методиј, 24 Мај, денеска во базиликата Сан Клементе во Рим, делегации на Република Северна Македонија и Република Бугарија, положија цвеќе на гробот на Св. Кирил.

Делегациите, како што информираат од кабинетот на претседателот Стево Пендаровски, ги предводеле вршителите на работи во амбасадите на Република Северна Македонија при Светиот Престол и Република Италија, Александар Спирковски и Магдалена Димова, како и нивните хомолози од бугарска страна, амбасадорите Богдан Паташев и Тодор Стојанов. Беа присутни и вработените во амбасадите, а на делегациите им посака добредојде отец Стивен Хачинсон, јереј во базиликата Сан Клементе.

Шефовите на делегациите одржале кратки пригодни говори, при што било истакнато одбележувањето на 1151-вата годишнина од смртта на Св. Кирил во Рим, неговиот историјат, значењето на светите браќа просветители за целокупната словенска писменост, но и за историјата и доближувањето на македонскиот и бугарскиот народ, како и основата што ја создаваат за градење на добрососедските односи и во иднина.

Од страна на македонската делегација на гробот на Св. Кирил е положен венец во име на претседателот на Република Северна Македонија, Стево Пендаровски, како покровител на годинешната манифестација – Денот на Св. Кирил во Рим, а сите присутни дале пригодна почест и на олтарот во базиликата, каде денес е положен фрагмент од моштите на Св. Кирил.

Заради актуелната состојба со пандемијата на Ковид-19, традиционалните манифестации поврзани со одбележувањето на Денот на Св. Кирил во Рим, се одложени за подоцна, во текот на годината, се вели во соопштението од Кабинетот на Пендаровски.

 

 

loading...

 

Македонија

Свет