Политичкиот активист Петар Богојески денеска бил повикан во ОЈО за да даде исказ по кривична пријава која му ја поднела МВР.
-Беше на писмено напоменато дека во случај да не се појавам, ќе бидам притворен и спроведен пред обвинител.
Кривичната пријава се однесува на искажани политички ставови во јавноста, МВР констатирале “ксенофобија” (страв од странци) кај мене и поради истото одлучиле кривично да ме гонат и да се закануваат со притвор!
Проектот за забрана на етнички партии, забрана за злоупотреба на религии во политички и бизнис интереси на поединци и групи, граѓанска држава и нов политички систем, очигледно не им се допаднале на властите!, изјави Богојески.
Тој вели дека ОЈО го известила за дел од содржината на кривичната пријава, во која стоело: НЕДОЗВОЛЕНО коментирање за Зоран Заев и Оливер Спасовски.
-Само еден од тие недозволени коментари кои ми беа прочитани е:
„Премиере Заев ќе кажете нешто за ова, или ќе молчите како мома на чешма”!
За вакво прашање кон Заев Величенствениот, МВРО / СВРО покренува кривичен прогон против неистомисленици на власта!
Исто така на некого не му се допаднале “мои ставови” за воениот злосторник Ратко Младиќ и неговите следбеници, денес функционери на СДСМ, кои не се сеќавам да сум ги изнел до сега во јавност!
Но од сега, секако тоа ќе го правам позачестено!, порача Богојески.
Мактел дознава дека Богојески глуми жртва но всушност има сериозна вина што како висок државен службеник често на фејсбук искажувал недезволив говор на омраза на верска и расна основа.
Нашите информации од МО се дека тој не одел воопшто на работа, а цело време правел притисоци на комисиите за јавни набавки за ургенции за тендери кои требало да ги добијат негови блиски фирми. Исто така преку портали кои се во негова сопственост ги заплашувал надредените во министерство за одбрана со клевети и црна пропаганда. Исто така велел дека неговите брзо ќе се вратат на власт и ќе правел чистки во министерството.
