Мактел дознава дека мнозинството пратеницина Алтернатива прифатиле да бидат дел од владиното мнозинство во СДСМ и ДУИ на местото на БЕСА, со што од оваа драма убедливо најголеми лузери излегуваат БЕСА кои се изнервираа за едно тетовско село кое никој во земјава не може да го најде на мапа и за само три дена извршија политичко самоубиство, сами се укинаа како албанска партија?!?!
Колку треба да со политички почетник и дунстер да од влада се исфрлиш сам и седнеш на маса со македонскиот ШЕШЕЉ – Димитар Апасиев кој го блокираше законот за државјанства, законот за јазици, ветува поништување на признавањето на Косово, поништување на Рамковен Договор, договорот со Бугарија со што ЕУ ќе стане невозможна мисија и договорот од Преспа со што ќе бидеме исфрлени од НАТО?!?!
Па БЕСА подобро да фрлеше динамит во своите партиски седишта, вакво ПОЛИТИЧКО САМОУБИСТВО не памети македонската политичка историја! Освен можеби признавањето на Тајван во 2000-та година со што Васил Тупурковски ја уништи преку ноќ својата Демократска Алтнернатива која силно се наметнуваше да стане нова политичка сила со освои над 100 000 гласови на изборите во 1998-ма година…
Што им се случи на Касами и Хоџа за само 3 дена толку да се избламираат, дали премногу се славеше за победата во Тетово па понесени од еуфорија и можеби малце виски малце кока кола и им се поматија умовите на двоецот на БЕСА?!?!
За едно тетовско село Желино да се самоубиеш и да напуштиш влада и да доживееш ПР катастрофа, таа фотка на Хоџа окезен седнат на маса со Апасиев ќе им донесе на БЕСА вистинска катастрофа на кои и да било следни избори, да седиш и да се договараш со најголемиот ДУШМАН на Албанците во земјава, тоа не се прави при здрав памет, што ли му се десило на Хоџа бог мил да знае…
Со еден потег се уништија себеси, затоа што нивното место во влада сега ќе го заземе Алтернатива, тоа се нашите извори, и Беса преку ноќ ќе стане она што е сега ПДП или партијата на Имер Селмани, значи историја, минато, само за 3 дена непромислени потези и политичко лудило…
