Сите ветувања дадени пред 5 години, пред парламентарните избори се реализирани.
Минималната плата ја качивме за над 6.000 денари, од 9 на 15.200 денари. Просечната плата за 4 години се зголеми за 6.300 денари, растат платите во сите сектори.
Растат и пензиите, а сега со новата методологија ќе растат уште повеќе. Само преку МојДДВ кај 400.000 граѓани се вратени над 36 милиони евра.
Ја укинавме радиодифузната такса, ја вративме евтината тарифа на струјата, ги намаливме трошоците за нотари и извршители и судските такси, со законско решение спречивме граѓаните за 2 денари долг, да плаќаат камати од 12.000 денари.
Наместо барок и споменици, изградивме нови улици и патишта, водоводи, канализации, прочистителни станици, градинки, училишта, библиотеки, игралишта.
Изградивме над 1.040 километри патишта – автопати, магистрални и регионални патишта во овие четири години.
Изградивме или реновиравме 60 градинки, 80 училишта, 60 полициски станици, 34 здравствени домови и амбуланти, 20 домови на културата, општински згради.
