* реклами —————————————————————————————————————————————–
————————————————————————————————————————————————————
Претседателот Стево Пендаровски, по повод одбележувањето на 22 Ноември – Денот на албанската азбука, упати честитка до припадниците на албанската етничка заедница во Република Северна Македонија.
Во продолжение ја проследуваме честитката на македонски јазик, а во прилог на албански јазик.
Почитувани сограѓани Албанци,
Дозволете најсрдечно да ви го честитам 22 Ноември, Денот на албанската азбука, воедно посакувајќи ви, пред сè, добро здравје и благосостојба.
* реклами —————————————————————————————————————————————–
—————————————————————————————————————————————————
На 22 ноември пред 112 години видните албански интелектуалци од целиот Балкан се собраа во Битола за да ја унифицираат албанската азбука. Токму овој чин е основа за кодифицирање на албанскиот литературен јазик и меѓник за развојот на албанската култура и духовност, и столб на национална себеидентификација. Горди сме што Денот на албанската азбука веќе 14 години е државен празник со кој се гордеат не само Албанците, туку и сите граѓани на нашата татковина.
* реклами ——————————————————————————————————————————————-
—————————————————————————————————————————————————–
Почитувани,
Јазикот и културата се фундаменти на секој народ и нивната негација значи обид за ништење на националната припадност. Во 21 век таквите обиди не можат да наидат на плодна почва и ќе бидат осудени на неуспех.
* реклами ——————————————————————————————————————————————-
—————————————————————————————————————————————————–
Би сакал да ја искористам оваа можност и во време кога сме во кризна состојба предизвикана од пандемијата со Ковид-19, уште еднаш да апелирам да останеме сплотени, солидарни и одговорни и да се заштитиме себеси, најблиските и целата заедница.
Нека е честит 22 Ноември, Денот на албанската азбука.
Стево Пендаровски
