„Gulf oil“ Македонија донираше прехрамбени производи и средства за лична хигиена на семејства на деца со пречки во развојот

Компанијата „Gulf oil“ Македонија водена од својата мисија на општествено одговорна компанија, придонесува во градење на одржлива и поубава иднина на нашите сограѓани. Животот на родителите на деца со здравствени проблеми, е повеќекратно комплициран и полн со стравови. За да им бидеме поткрепа во надминување на секојдневните предизвици „Gulf oil“ Македонија, донираше прехрамбени производи, масло за јадење и средства за лична хигиена, на семејства на деца со попреченост, на територија на општина Куманово. Донираните производи до семејствата на децата со попреченост, ќе стигнат преку здружението за промоција и развој на инклузивно општество ИНКЛУЗИВА, кои ни помогнаа оваа наша хумана акција да се реализира. Хуманоста и безрезерваната поддршка за децата останува да биде во наш преден план. Континуираните донации и помош на децата со пречки во развојот помагаат тие да растат и да станат видливи и силни во општетсвото, надминувајќи ги предизвиците од секојдневието.