✍🍷Подготвуваме нов Закон за вино усогласен со европските регулативи. На денешниот состанок со работната група за вино од #МЗШВ, ги дискутиравме планираните нови законски одредби кои имаат за цел развој на лозарството како една од стратешките извозно ориентирани гранки.
👉Со новиот закон ги насочуваме лозарите и винарниците да се вмрежуваат во организации за заеднички да се договараат за производството на грозје, што ќе придонесе за зголемување на квалитетот на грозје и вино, сигурен пласман и зголемени цени на грозје и вино.
🇲🇰🇪🇺Преку формирање на вински региони се усогласува пристапот за заштита на вината со географски назив согласно европските регулативи, што ќе значи подобар квалитет на грозје и вино.
🤝Консултациите за новото законско решение ги продолжуваме со лозарите. Наша цел е заеднички да подготвиме нов Закон за вино од којшто бенефит ќе имаат и лозарите и винарниците, со единствена цел македонското вино да биде уште поконкурентно на странските пазари.
