Сака ли некој Саша Богдановиќ да заврши во затвор а општина Центар да заглави во плаќање милиони евра оштети?!?!

Вчера на седница на Советот на Општина Центар се расправаше за евентуална суспензија на Деталниот урбанистички план во кој влегува и парцелата 1.1 спроти „Холидеј Ин“, а за која пред два дена инвеститорот „МГ Фешн“ го претстави идејниот концепт. Намерата за суспензија на ДУП со новиот закон е префрлена на Советот на Општина Центар, но одлука сè уште нема.

Вчерашните препукувања на релација Богдановиќ – Белчева отворија дилема дали некој свесно ги притиска Богдановиќ и советниците да направат криминал?

Според новиот Закон за урбанистичко планирање штетите што би настанале од суспендирањето на планот и отстранувањето на недостатоците на урбанистичкиот план ќе ги сноси Општина Центар, а советниците кои би гласале за вака погубно решение за буџетот на општината и жителите можат да се соочат со правни реперкусии.

– Носење нов план не зависи само од општината. Во ставот 9 од последниот Закон за урбанистичко планирање е наведено дека штетата ја сноси тој што ја донесува одлуката за суспензија, односно Советот на Општина Центар. Треба да знаат жителите на Општина Центар дека доколку дојде до таква одлука од страна на Советот, од нивниот буџет ќе треба да се исплатат штетите. Јас управувам со општината и морам одговорно да ги трошам средствата на граѓаните на Центар, а граѓаните треба да знаат дека од нивниот џеб, од нивниот буџет да се исплаќаат огромните штети со кои може да се соочиме – изјави за медиумите Богдановиќ и потсети дека веќе има судски пресуди за исти вакви постапки каде што државата платила огромни суми.

На обвинувањата на советничката Јана Белчева, која вели дека градоначалникот веќе подолго време се обидува да се оправда, Богдановиќ изјави дека таа е единствениот советник во општината која притиска и се повикува на споменатиот закон, без притоа јасно да им укаже на граѓаните за последиците, односно дека според ставот 9 од Законот за урбанистичко планирање, доколку не успее целиот проект, може да има штетни побарувања.

Градоначалникот на Општина Центар Саша Богдановиќ денеска потврди дека инвеститорот преку е-системот на Општината поднел барање за градежна дозвола за првата зграда што е предвидена да се гради спроти „Холидеј ин“, меѓутоа, како што рече, барањето сѐ уште не е правосилно.

– Инвеститорот си го поднесува проектот, си уплаќа комуналии и нормално дека си поднесува барање за одобрение. Моментот е што тој си аплицира во системот. Управната постапка завршува на крај со правосилност. Јас сѐ уште не сум дал правосилност – изјави Богдановиќ.

Тој нагласи дека во моментов имаат забрана од Уставен суд да преземаат какви било дејствија и повторно укажа за штетите кои би настанале доколку Општината донесе одлука за суспензија на овој урбанистички план.

– Каква било одлука што ќе донесете мора да ги предупредите и советниците кои гласаат за таа одлука, но пред сѐ и граѓаните дека штетата за такви одлуки може да ја плаќаат – нагласи Богдановиќ.