Американски снајперист во Украина: „Не се замарајте со тенкови, дајте им артилерија и муниција“

Покет е снајперист од приватна компанија која е дел од меѓународна сила во рамките на 59-та моторизирана бригада на украинската армија која е официјално назначена како единица за извидување, но често се користи за извршување напади на фронтот и одбранбени мисии. Тој сега се опоравува од повредата во Киев од крајот на јануари .

Раскажува дека долготрајниот недостиг на оружје и опрема значи дека оружјето што би можело да ги одржи војниците живи и да ја спречи Русија да преземе територии е потребно поитно отколку што било до сега, и како што вели оружјето кое може да помогне во долгорочно планирање или да помогне во нападите на долги растојанија.Она што е важно во моментов е „муниција, гранати, мини, ракети, разни ракетни системи“, додаде тој.

Според него еден тенк може многу помалку да направи на бојното поле отколку што можат 50.000 артилериски и 5.000 минофрлачки гранати.Со доволно муниција, вели тој, кога Русија ќе испрати бранови од луѓе „буквално би можеле да ги скршиме на парчиња“.

Украина доби тенкови и оклопни возила од сојузниците, но тие пристигнаа по долги дебати дали да ги испратат. Многу воени аналитичари велат дека доцнењето на испораките значи дека Русија имала повеќе време да се подготви за нивното пристигнување, што пак Украинците ги прави помалку ефикасни.

Украина страда од критичен недостиг бидејќи републиканците во Претставничкиот дом во САД ја стопираат дополнителната помош за Украина во вредност од 60 милијарди долари. Тој пакет вклучува речиси 14 милијарди долари за Украина за купување оружје и муниција.И додека помошта од европските нации продолжува, многумина велат дека немаат доволно опрема во нивните арсенали за да ја поправат состојбата на Украина.

Германија оваа недела објави дека ќе и даде на Украина 10.000 артилериски гранати, но тоа е мала количина од она што ѝтреба на Украина: аналитичарите за конфликт минатиот месец рекоа дека на Украина „и требаат околу 75.000-90.000 артилериски гранати месечно за да ја одржи војната одбранбено, и повеќе од двојно од тоа – 200.000-250.000 – за голема офанзива“.

Американска борбена медицинска сестра со војската на Украина вели дека „нејзините момци“ на линијата на фронтот се немоќни се додека Конгресот не им одобри оружјеВо тек се и некои пошироки планови, вклучително и планот предводен од Чешка за набавка на муниција надвор од Европската унија, за која се очекува, со испорака на гранати во Украина да почне пред месец јуни.