„Во свет во кој кризите и конфликтите се преклопуваат во непосредното соседство на Европа, потребна ни е Европска унија која ќе дејствува брзо и одлучно утре и задутре и ќе остане безбедносно сидро за сите нас во Европа. Германија и Словенија се обединети во зајакнување на нашата заедничка Европа, да ја направиме погодна за иднината и да ги вклучиме меѓу нас земјите од Западен Балкан. За нас силна Европска Унија, исто како и НАТО, е незаменливо животно осигурување во неизвесни времиња“, се наведува во соопштението на Бербок објавено на веб-страницата на германското Министерство за надворешни работи.Таа порача дека земјите од Западен Балкан „целосно и апсолутно“ припаѓаат во Европската унија.
„Ова не се само празни зборови. Тоа е во наш безбедносен интерес – во Љубљана, во Берлин и во цела Европа. За да се постигне тоа, мора да се завршат неопходните реформи во земјите кои сакаат да станат дел од Европската семејство. Во исто време, ЕУ мора да го одржи зборот и да преземе чекори во процесот на проширување, кога за тоа ќе се исполнат условите“, наведе Бербок.
Бербок: ЕУ не смее да си дозволи „сиви зони“Таа додаде дека поради „рускиот империјализам во срцето на Европа“, ЕУ не смее да си дозволи „сиви зони“.„Заедно со Словенија работиме на реформите во ЕУ за да го поставиме курсот за проширена Унија. Напредокот во политиката на проширување и внатрешните реформи на ЕУ мора да одат рака подрака“, нагласи шефицата на германската дипломатија.
Сите шест земји од Западен Балкан- Албанија, Босна и Херцеговина, Косово, Северна Македонија, Црна Гора и Србија- имаат за цел да се приклучат на ЕУ, но се во различни фази на процесот на евроинтеграција. ЕУ веќе преговара за членство со Србија, Северна Македонија, Црна Гора и Албанија. Босна и Херцеговина се смета за земја кандидат, Косово за потенцијален кандидат.
Извор: Дојче Веле
