Со бројно учество на семинаристи од светот, денеска во Охрид, свечено и за вакви прилики невообичаено – спектакуларно, започна 57. Летна школа на Меѓународниот семинар за македонски јазик, литература и култура при Универзитетот „Св. Кирил и Методиј“ (УКИМ). Под мотото „Македонистички гордорек“ работаат, другаруваат и се забавуваат 65 македонисти од 17 земји:. Албанија, Бугарија, Италија, Јапонија, Кина, Полска, Р. Кореја, Романија, Руска Федерација, САД, Словенија, Србија, Турција, Украина, Унгарија, Хрватска и Чешка Република. Сите тие, ќе ги изучуваат македонскиот јазик, литература и култура, додека вкупнпо 81 учесник на 51. Меѓународна научно конференција ќе ја развиваат македонистиката како наука.
Меѓународниот семинар при УКИМ е пред нови хоризонти развивајќи процеси на афирмација, на македонистиката и лекторатите, рече во обраќањето пред присутните директорката на Меѓународниот семинар проф. д-р Кристина Николовска.
-Грижата за развој и поддршка на 11 лекторати на странските универзитети е наш и национален приоритет. Пред нас е отворање на нови лекторати и возобнова на згаснатите. Од годинава ги удостојуваме врвните македонисти востанувајќи награди „Воздејства“ во знак на признание за исклучителни дејности, долготрајни и повеќедецениски постигнување и придонес во научно-истражувачката и културната афирмација во областа на македонистиката истакна Николовска.
Ректорката на Универзитетот „Св. Кирил и Методиј“ во Скопје, проф. д-р Биљана Ангелова истакна дека науката за јазикот, но и континуираната и систематска грижа за македонскиот јазик и за неговата афирмација во светот се висок приоритет и на УКИМ и на Меѓународниот семинар за македонски јазик, литература и култура.
окровителката на семинарот, претседателката Гордана Силјаноска Дац
вкова, отворајќ Лондони го, рече дека од денес е сигурна дека македонистичкото научно и културно семе ќе биде посеано уште еднаш, не само овде туку ќе биде и расфрлено ширум светот
-Со гордност ќе кажам дека дејноста на Семинарот е достоен континуитет на една величенствена мисија на сесловенските просветители, на првоучителите, на културните дипломати, визионерите, Светите Кирил и Медодиј, чија мисија доследно ја продолжија најверните нивни ученици Свети Климент Охридски и Свети Наум Охридски. Блаже Конески ја препозна мисијата на Светите Кирил и Медодиј. Македонскиот јазик и Семинарот за македонски јазик, литература и култура при Универзитетот „Св. Кирил и Методиј“ имаат не само национално, туку и пошироко интернационално значење. За мене семинарот е сјаен преплет на врвна наука, едукација во пракса, развој на лекторати по македонистика во светот, соработки, вмрежувања, нови проекти, но пред се како и културна дипломатија. Развојот на културниот туризам како важна општествена и економска гранка, верувам дека како еден од приоритетите, навистина ќе вроди со плод, рече Силјаноска Давкова,.
Министерката за образование и наука Весна Јјаневска, со опоменувачки тон, потцрта, дека е поразувачка реалноста што сега има помалку лекторати по македонски јазик во странство, отколку во времето на СФРЈ. Затоа и во Програмата на оваа Влада како приоритет е зацртано одржување на постојните и отворање нови лекторати и курсеви по македонски јазик на универзитетите во странство.
Министерот за надворешни работи и надворешна трговија Тимчо Муцунски, подвлече дек, од гледна точка на нивната работа како Министерство за надворешни работи, ќе преземат мерки во идниот период за афирмација на македонскиот јазик.
Министерот за култура и туризам, Зоран Љутков, посебно се задржа на значењето на 51. Меѓународна научна конференција, со чествување на јубиларите, великани на македонската култура: Крсте Мисирков, Гане Тодоровски и Петре М. Андреевски. Слоганот на 51. Меѓународна научна конференција „75 за 75“ е во знакот на 75 години јубилеј од основањето на УКИМ, а се однесува на „75 реферати за 75 години УКИМ“.
-Овие дејци имале јасна визија и биле верни чувари на јазикот како врвно национално богатство и суштина на нашиот национален идентитет и култура. Затоа чествувањето на овие јубилеи нека претставува поттик, а доследно исполнување на светиот завет пред основоположниците на нашата национална култура, јазик и писменост. Континуираното повеќедецениско одржување на оваа школа е потврда за живиот научен интерес за македонскиот јазик како словенски јазик, за исконската преокупација не само на лингвистиката туку и на научната мисла воопшто со неговите корени, историски, јазични и други аспекти, истакна н Љутков.
Наталија Неделкова, една од учесничките, поет и преведувач од Бугарија, ќе рече:
-Многу ја сакам македонската литература и македонскиот јазик.Имам неколку објавени книги на македонски јазик. Македонските автори се добредојдени во Бугарија. Секој јазик е богатство и има свој придонес во светската цивилизација. Македонскиот и бугарскиот јазик се два различни јазици, подвлече Неделкова.
Беше соопштено дека наградите „Воздејства“ им беа доделени на истакнатиот македонист, академик Виктор Фридман од САД и проф. д-р Максим Каранфиловски, долгогодишен директор на Семинарот, а беа доделени и благодарници „Синергии“ во знак на признание за посебен придонес во поддршка на афирмација на македонистиката, на Општина Охрид, АД Алкалоид-Скопје, АКУД Мирче Ацев, Кирил Пецаков, градоначалник на Општина Охрид, Перчо Божиновски заменик градоначалник на Општина Охрид, Живко Мукаетов, директор на АД Алкалоид-Скопје и Благоја Јованоски, директор на АКУД Мирче Ацев.
