Почитувани граѓани, многу почитувани медиуми, Денеска не сме тука да молчиме за неправдите и манипулациите кои се случуваат пред вашите очи. Овде сме да го истакнеме лицемерието на оние кои зборуваат за корупција, а тие самите беа нејзини главни архитекти и најголеми профитери.
Кога Блерим „Ќосето“ Беџети, познат по своето влијание во партизираното правосудство, излегува и зборува за пазарења и корупција, тоа не само што е смешно, но пред се е навреда за сите граѓани. Може ли поединец кој засадил и креирал цел систем на корупција и клиентелизам да бара правда? Ова е отворено исмејување на секој од нас и доказ за партија која го изгубила секој морален компас и врска со народот на оваа земја.
Неодамна во една емисија слушнавме силно сведоштво од Косана Мазнева, поранешната директорка на Комуналната Хигиена, која откри дека градоначалничката на Скопје, Данела Арсовска, дејствувала под влијание на невидлив „тутор“ кој и ги шепнал на уво неговите одлуки. Главното прашање сега е: Дали Блерим „Ќосето“ Беџети е туторот кој испорачуваше одлуки и нареди протерување на над 150 Албанци од ова јавно претпријатие?
Сè уште не се знае судбината на вработените Албанци кои Мазнева – Арсовска ги избрка од работа, а нивните тешкотии да се обезбеди егзистенцијата продолжуваат да растат. Почитувани, Блерим Беџети и ДУИ како коалициони партнери на Арсовска имаа клучна улога во деградирањето на Албанците од управните позиции во град Скопје.
Ја потсетуваме јавноста дека Беџети има хронологија и историја што граѓаните не ја забораваат, како што е враќањето на споменикот на Андон Лазов Ќосето, познат како „Касапот“, во кружниот тек кај „Ист гејт мол“. Беџети за лична корист, веќе синхронизиран со антиалбанското дуо Арсовска – Левица, правејќи трином против Албанците за деалбанизација на администрацијата на Град Скопје, за жал успеаја, но многу брзо ќе пропаднат.
Албанците во администрацијата на Град Скопје под раководство на сателитите на ДУИ и Беџети се дискриминирани. Врз основа на член 3 од Одлуката за внатрешна организација на Град Скопје, градската управа е организирана во 20 сектори. Ниту еден од овие сектори не е предводен од албански кадри.
Благодарение на ДУИ, Албанците, кои сочинуваат повеќе од 22 отсто од населението во градот, се целосно исклучени од локалната власт. Исто така, од 92 раководни позиции во администрацијата, само 8 се пополнети од Албанци. Двојни се штетите на ДУИ и во централната и во локалната власт. И на ова му дојде крајот затоа што Албанците ја исфрлија ДУИ од централната власт, а прашање на време е кога ќе се пратат во историја и од локалната власт.
