Водостојот на Преспанското Езеро е понизок за 2,14 метри во однос на повеќегодишниот просек за април, а од вчера до утрово е зголемен за 1 сантиметар, измери Управата за хидрометеоролошки работи (УХМР). За 2 сантиметри е зголемен водостојот на Охридското Езеро, додека нивото на Дојранското Езеро е исто со вчерашното. Нивото на Охридското Езеро е за 4 сантиметри повисоко од просечното, а на Дојранското Езеро е повисоко за дури 1,46 метри.
Водостоите на реките во земјава се пониски од просечните со исклучок на реката Струмица на мерното место кај Сушево каде нивото е за осум сантиметри повисоко од просечното.