Претседателот на Србија, Александар Вучиќ изјави дека со рускиот амбасадор Александар Боцан Харченко разговарал за сите прашања важни за двете земји, за ситуацијата во Косово, како и за поканата за учество на самитот на земјите од БРИКС.
„Денеска добив список на учесници, кој е голем и се работи за важни и моќни земји, и се заблагодарив за поканата и кажав се што кажав претходно, а тие разговори ќе ги продолжиме со претседателот на Русија, Владимир Путин. изјави Вучиќ.
Тој денеска во Лозница го информираше амбасадорот за ситуацијата на Косово и Метохија, секојдневните провокации, заканите за мирот и стабилноста и, како што рече, неефективниот одговор кои биле вклучени во дијалогот. Вучиќ изјави дека се разговарало за економски теми, за изградба на диспечерскиот центар на Руските железници и за други бројни проекти.
„Разговаравме и за соработка во ОН и други мултилатерални организации“, Вучиќ, споменувајќи го забрзувањето на гасниот аранжман како и разговорите за одбележување на 20 октомври, Денот на ослободувањето на Белград.
