На линијата Белград – Нови Сад денеска се случи драма. За малку е избегната трагедија на станицата Земун кога два воза застанале еден спроти друг на 20 метри. За среќа немало судар, а нема ни повредени. Како што изјавил еден патник за Курир, патниците во возот во кој се наоѓал го почувствувале само наглото сопирање, но никој воопшто не е повреден.
– Патниците беа навистина исплашени бидејќи имаше многу деца, а ќе беше огромна трагедија доколку не успееа да застанат навреме – вели соговорникот и додава:
– Еден машиновозач не застанал на црвеното светло на семафорот, како што слушнав, и влегол во лентата каде што веќе се движел воз од спротивната насока- вели за „Курир“ патникот.
Патниците биле задржани во возовите околу еден час, за да направат записник, а потоа од таму заминале пеш. Полицијата и комисијата од Српските железници се уште се на терен.
