Мандатарот и лидер на ВМРО-ДПМНЕ, Христијан Мицкоски денеска во Собранието ја претстави програмата на новата влада. Кратко и брзо кажа дека нема да бара 100 дена меден месец, најави инвестиции веднаш, економско заживување, зголемување на пензиите и платите, инвестиции во образованието, здравството и културата.
Веќе во вторник најави инвесиција од повеќе од 400 милиони евра, наламување на даноците, но и одговорност за секој криминал и реформи усогласени со европските стандарди.
Економско заживување, зголемување на пензиите и платите, инвестиции во образованието, здравството и културата, борба против корупцијата, одговорност за секој криминал и реформи усогласени со европските стандарди, најави мандатарот и премиер на новата влада Христијан Мицкоски од ВМРО-ДПМНЕ.
-Според сознанијата што ги имаме, ситуацијата во повеќе области е рамна на клиничка смрт, институциите се доведени до колапс. Одлучно ќе одговориме и за се јавноста ќе биде известена. Нема да барам 100 дена меден месец, туку најавувам инвестиции веднаш, веќе во вторник инвестиција повеке од 400 милиони евра, потоа намалување на даноците и зголемување на пензиите, рече Мицкоски.
Кажа дека ќе бара напорна работа од секој министер и член на владата, евалуација на нивната работа и одговорност. Спомена дека новата влада ќе го продолжи европскиот пат, но не ги спомена уставните измени.
Собраниската седница ја следат претседателката Гордана Сиљановска-Давкова и претставници на диломатскиот кор.
Според собранискиот Деловник, предвидено е седницата да трае најмногу два дена, односно треба да заврши најдоцна до утре на полноќ.
Владата ќе биде избрана ако за неа гласале мнозинството од вкупниот број на пратеници. Во новата влада ќе има вкупно 20 министерства, четири повеќе од досега. Владата ќе брои 24 члена.
Во владиниот кабинет, 15 членови се од коалицијата предводена од ВМРО-ДПМНЕ, шест од коалицијата Вреди и двајца од ЗНАМ.
