Голем број западни медиуми деновиве се опседнати со посетата на рускиот лидер на Пјонгјанг. Меѓу зборувањата се рашири приказната дека дел од руската делегација што ја посети Северна Кореја, на чело со претседателот Владимир Путин, има специјална мисија, наводно против САД.
Во посета на Пјонгјанг заедносо Путин беа голем број функционери, меѓу кои и министри на руската влада. Познато е дека министерот за одбрана Андреј Белусов, шефот на Роскосмос Јуриј Борисов, министерот за транспорт Роман Старовоит, гувернерот на Приморје Олег Коземјако и други присуствуваа на посетата на Ким.
Присуството во делегацијата на рускиот министер за одбрана и шефот на Роскосмос во САД и земјите од ЕУ се толкува дека „Русија се подготвува да прими воени производи од Северна Кореја, а за возврат обезбедува вселенски сателитски технологии, кои ќе овозможуваат ракетите на Северна Кореја со нуклеарни боеви глави да бидат прецизно насочени кон американските воени бази и територијата на САД“. Американскиот државен секретар Блинкен веќе изјави дека Вашингтон „ќе вложи максимални напори да ја спречи соработката меѓу Москва и Пјонгјанг на воениот фронт“.
Исто така, Франција изрази загриженост за посетата на рускиот претседател заедно со неговата голема делегација на Северна Кореја, а руските експерти пак потсетија на иницијативата на Макрон да испрати „воени тренери“ во Украина. Првично францускиот претседател зборуваше за целосен воен корпус што би можел да биде стациониран во Украина, на пример, во Одеса.
Со оглед на тоа што француските „обучувачи“ веќе се „разоткриени“ за време на борбите во Украина, експертите во Франција велат дека Северна Кореја би можела да направи сличен потег за регрутирање „воени обучувачи“ против позициите на Макрон и некои лидери на НАТО.
