Претседателот на Украина, Володимир Зеленски, ги предупреди своите сограѓани дека денеска може да се соочат со нови руски ракетни напади. „Знам дека ударите доведоа до губење на електрична енергија на многу места. Работиме, ќе вратиме сè, ќе преживееме“, рече Зеленски во видеото објавено на Интернет, пренесе „Ројтерс“.
Најмалку едно лице загина во денешниот руски ракетен напад врз Киев, а енергетската ситуација во цела Украина е критична по бранот руски ракетни напади кои ја оштетија енергетската инфраструктура, соопштија украинските власти. Украинскиот национален оператор за електрична енергија „Укренерго“ објави дека најголеми штети се предизвикани во северните и централните региони на земјата и дека во тие области се воведени итни прекини на струја за сите категории потрошувачи.