Здравствената групација „Аџибадем“ во Турција е седиште на еден од најопсежните оддели за неврохирургија во светот. Се издвојува по своето обемно искуство, врвна стручност, напредни технологии, иновативни третмани, револуционерни научни студии и мултидисциплинарен пристап, нудејќи им надеж на пациентите и семејствата ширум светот. Пациентите може да боледуваат од различни невролошки состојби, од оние кои можат да се лекуваат со едноставни постапки до други за кои се потребни големи операции и мултидисциплинарен пристап. Некои невролошки состојби може да бидат вродени, додека други се развиваат со текот на возраста заради дегенеративни процеси. Покрај тоа, точната причина за одредени заболувања може да остане непозната. Клиниката за неврохирургија „Аџибадем“ нуди лекување на широк спектар на состојби, вклучувајќи тумори на мозок кај возрасни и деца, епилепсија, Паркинсонова болест, цереброваскуларни заболувања како што се аневризми и артериовенски малформации (АВМ), церебрална парализа и многу други. Во „Аџибадем“, целиот процес на лекување за такви состојби прецизно се планира, се изведува и надгледува од мултидисвциплинарен тим, обезбедувајќи сеопфатна нега од дијагноза до лекување. Ефикасно лекување тумори на мозокот
Туморите на мозокот се меѓу најпознатите и најсериозните невролошки заболувања. Иако сочинуваат само 2% од сите тумори, некои случаи може да бидат многу сложени и ризични, поради што туморите на мозокот се 10-та водечка причина за смртни случаи поврзани со рак. Тумор на мозокот значи абнормален раст предизвикан од неконтролирано размножување на самите клетки на мозокот. Покрај тоа, тумори од други делови на телото може да се прошират во мозокот, и тие се познати како метастатски тумори на мозокот.
За лекување тумор на мозокот, првиот пристап често е операција за ресекција на туморот, која подразбира безбедно отстранување на лезијата од мозокот. Таа постапка може да ја ублажи болката, да ја врати невролошката функција и стабилност и да го подобри квалитетот на животот на пациентот. За пациенти со бенигни тумори, вообичаено е доволно само операција за отстранување на туморот. Меѓутоа, операцијата можеби не е целосно решение за малигните тумори. Иако операцијата сепак може да биде корисна со целосно или делумно отстранување на туморот, вообичаено се потребни дополнителни третмани како терапија со зрачење и/или хемотерапија. Тимот за неврохирургија на „Аџибадем“ е посветен на лекување пациенти со сите видови тумори на мозокот. Нашите хирурзи имаат неспоредливо искуство за лекување секакви видови тумор на мозокот. Дополнително, во оперативната сала се применуваат најсовремени технологии за да се постигнат подобри резултати. Невромониторингот помага за спречување невролошки повреди, невронавигацијата обезбедува прецизни хируршки насоки за точна ресекција на туморот, а интраоперативната МР генерира снимки во реално време за да се овозможи целосно отстранување на туморот. Во „Аџибадем“, пациентите со тумори кои се движат од едноставни до сложени, до предизвикувачки, успешно се лекуваат речиси 30 години. Клиника која е фокусирана исклучиво на невролошки заболувања кај деца
Детската неврохирургија е посебна специјалност, а само ограничен број неврохирурзи се фокусираат исклучиво на лекување деца ширум светот. „Аџибадем“ нуди сеопфатни услуги од детска неврохирургија, кои опфаќаат од лекување епилепсија и церебрална парализа до лекување тумори на мозокот и справување со вродени малформации, меѓу другото. Одделот за детска неврохирургија на „Аџибадем“ секоја година успешно изведува операции на над 600 доенчиња, бебиња и деца од цел свет. Во зависност од заболувањето кај пациентот, специјалисти од различни области, вклучително и детска хирургија, ортопедија, детска неврологија, детска онкологија, онкологија со радиологија, неврорадиологија и физиотерапија, соработуваат под раководство на Детска неврохирургија за да ја изнајдат најоптималната стратегија за лекување на секој пациент. Во „Аџибадем“, како значајна компонента на детската неврохирургија, по операциите често се применуваат физикална терапија и рехабилитација за да се оптимизираат резултатите кај децата. Ова одделение е специјално приспособено да им служи на децата. 11.000 пациенти лекувани со гама нож во „Аџибадем“ Гама нож е алтернатива за нехируршко лекување на одредени невролошки состојби, како што се тумори на мозокот и артериовенски малформации (АВМ). Уредот прецизно доставува силно фокусирано зрачење на лезиите во мозокот. Тимот за неврохирургија на „Аџибадем“ беше пионер во примената на третмани со гама нож во регионот. Во Турција, првото Одделение за гама нож (1997) беше основано од неврохирурзи кои сега се активни неврохирурзи во Здравствената групација „Аџибадем“. Лекувањето со гама нож во „Аџибадем“ започна во 2006 година, а нови верзии на уредот беа купени во 2012 и 2017 година. Денес, неврохирурзите на „Аџибадем“ користат најнова верзија на уредот. Повеќе од 11.000 пациенти од целиот свет се лекувани со гама нож во „Аџибадем“.
Операцијата за ДСМ им помага на пациентите со Паркинсонова болест да ја вратат независноста
Паркинсоновата болест е уште една област од интерес за неврохирурзите. Тоа е дегенеративна состојба која вообичаено се манифестира со симптоми како што се тремор, отежнато одење и вкочанетост на мускулите, што може значително да го намали квалитетот на животот на пациентите. На Одделот за неврохирургија на „Аџибадем“, кога лековите веќе не се ефикасни за справување со тремор или грчеви во мускулите, се применува операција за длабока стимулација на мозокот (ДСМ) со цел да се помогне да се врати контролата на движењето и да се подобри квалитетот на животот. Со речиси 1.000 успешни постапки за ДСМ изведени до денес, неврохирурзите од Здравствената групација „Аџибадем“ се признати како лидери во оваа област, презентирајќи ја својата обемна стручност и искуство во операциите за ДСМ.
Мултидисциплинарен пристап во лекување невролошки заболувања Одделот за неврохирургија „Аџибадем“ е посветен на обезбедување најдобра и најсеопфатна нега за пациентите со искусни лекари и напредни технологии и за возрасни и за педијатриски пациенти. За да се постигнат најдобри можни резултати за секој пациент, тимот за неврохирургија соработува со разни други дисциплини, вклучувајќи неврологија, радиологија, ортопедија, онкологија со радиологија, детска онкологија, патологија, физиотерапија и други. „Аџибадем“ ги задоволува големите потреби на пациентите и нивните семејства кои бараат оперативно лекување на невролошките заболувања. За да дознаете повеќе, ви препорачуваме да контактирате со Информативните канцеларии на „Аџибадем“.
