Не стивнуваат реакциите и критиките за ноќниот клуб и трагедијата која се случи во Кочани, во која животот го изгубија дури 59 лица. По објавувањето на информациите дека објектот немали никаква изолација за намената за која бил користен, ниту пак поседувал доволно апарати за противпожарна заштита, бројни реакции од јавноста. Меѓу нив и професорката Мирјана Најчевска, која со посебен пост укажа дека виновниците за оваа несреќа треба да се бараат уште од годините кога клубот добил дозвола за работа.
– ВО 2012 ГОДИНА НЕКОЈ ДАЛ ДОЗВОЛА ПЛЕВНАТА/МАГАЦИН ЗА ТЕПИСИ БЕЗ НИКАКВИ ТЕХНИЧКИ УСЛОВИ ДА БИДЕ ПРОГЛАСЕНА ЗА КЛУБ. Од таму треба да се почне. И од надредените на тој некој и од оние кои овозможуваат да опстојува системот на корупција и клиентелизам и владеење на неправото со десетици години. Премиери, министри, директори на инспекторати, инспектори, полицајци, јавни обвинители, градоначалници, граѓани кои гледале а не реагирале, … Системот е трул и смрди. Тоа не е ново нормално. Ова е старо ненормално кое ние го нарекуваме нормално.
НЕМОЈ ДА МОЛЧИТЕ КОГА ЌЕ ВИДИТЕ ПРЕКРШУВАЊЕ НА ЗАКОНОТ. ВИКАЈТЕ КОЛКУ ШТО ВЕ ДРЖИ ГЛАС. НЕ ДОЗВОЛУВАЈТЕ ДА ВЕ КУПАТ. НЕ Е НОРМАЛНО ДА ИМАМЕ ВАКВИ ПОЛИТИЧАРИ, ДИРЕКТОРИ, ИНСПЕКТОРИ, ПОЛИЦАЈЦИ, ЈАВНИ ОБВИНИТЕЛИ, СУДИИ, …- напиша Најчевска на Фејсбук.
