Судот во Германија осуди тројца мажи на затворски казни за планирање насилен отпор против епидемиолошките мерки за време на пандемијата на корона вирусот. Окружниот суд во Кобленц го осуди главниот обвинет на вкупна затворска казна од две години и девет месеци за основање криминална организација и формирање вооружена група.
Останатите двајца обвинети добија условни казни од еден и три месеци, односно една и пол година, со обврска да платат парична казна од по 1.000 евра. Според судот, тројцата обвинети заедно формирале група наречена Паладин, каде лидер бил 39-годишниот осуден.
Целта на групата била да се одбрани од владините мерки за време на пандемијата, користејќи оружје доколку е потребно. Според сознанијата на судот, обвинетите правеле оружје со помош на 3Д принтери, а наводно одржувале и паравоени вежби.
