(ФОТО) Алкалоид АД Скопје: Со гордост објавуваме дека „Алкалоид“ АД Скопје оваа година ќе биде дел од Програмата за доедукација за професионален пожарникар, како дел од постсредното образование, реализирана во соработка со СУГС „Марија Кири Склодовска“

Програмата е наменета за вработените во Одделот за обезбедување и заштита и претставува уникатна можност за стекнување професионално знаење од областа на пожарникарството и безбедноста, со што нашите вработени ќе се здобијат со призната диплома за професионален пожарникар.

Оваа иницијатива претставува значаен чекор во професионалниот развој на нашите вработени и е потврда за континуираната посветеност на „Алкалоид“ АД Скопје за создавање и за одржување највисоки стандарди за безбедност и заштита на работното место. Преку учеството во оваа програма ја зајакнуваме нашата визија за создавање здраво, сигурно и безбедно работно опкружување, при што на нашите вработени не им нудиме само можност за кариерен напредок, туку и дополнителна вредност во нивните професионални кариери.