Почитувани граѓани, припадници на српската заедница,
Дозволете од име на пратениците во Собранието на Република Северна
Македонија и од свое лично име да упатам честитки по повод Св. Сава – националниот
празник на српската заедница во Република Северна Македонија.
Верувам дека овој празник кој што воедно е и неработен ден за граѓаните на
српската заедница во Република Северна Македонија, ќе го поминете опкружени со луѓе
кои ви се драги и блиски, кои ве почитуваат Вас, го почитуваат празникот и ликот и
делото на Св. Сава, како прв српски архиепископ кој што оставил неповторлив белег во
растот и развојот на духовниот живот на српската заедница, меѓутоа и на писменоста
како трајна вредност.
Упатувам желби за убав празничен ден, поминат во мир, спокој и семејна
благосостојба. Република Северна Македонија, нашиот заеднички дом, е земјата во која сите ги изразуваме нашите посебности најдобро што можеме и во хармонија со сите
други заедници, со взаемна почит и разбирање. Тоа е единствениот начин за опстанок,
напредок и безбедност за сите што сме дел од оваа заедница која колку и да е млада,
сепак се посочува како пример за тоа како се гради соживот. Тоа е заслуга на сите нас и
затоа изразувам висока почит.