АКО СЕ ДОДАДАТ ГЛАСОВИТЕ НА БЕСА И ЛДП/ДОМ НА ОНИЕ ШТО ГИ ОСВОИ СДСМ, ОВИЕ ИЗБОРИ СЕ НЕРЕШЕНО ЗА ВЛАСТА И ОПОЗИЦИЈАТА!

Според пресметките на „360 степени“, врз основа на денешните податоци од ДИК до 15 часот, ВМРО-ДПМНЕ има 285 077 гласа на советничките листи, а СДСМ 235 690, ДОМ/ЛДП 23 906, а Беса 25 413 гласа Околу 50 илјади гласови збирна предност на советничките листи во сите општини во земјава оствари ВМРО-ДПМНЕ на вчерашните избори.

Според пресметките на „360 степени“, врз основа на денешните податоци од ДИК до 15 часот, ВМРО-ДПМНЕ има 285 077 гласа на советничките листи, а СДСМ 235 690, на изборите кои се спроведуваат според пропорционалниот модел.

Меѓутоа, прашање е дали разликата во гласови во трката за советници ќе беше толку воочлива доколку СДСМ на овие избори настапеше со истата коалаиција како на ланските парламентарни избори, на кои владејачката коалиција освои над 327 илјади гласови во шестте изборни единици, наспроти 315 илјади гласови за коалицијата на ВМРО-ДПМНЕ. Односно тогаш разликата меѓу двете колаиции, на национално ниво, беше околу 12 илјади гласа што резултираше со два пратенички мандати повеќе за колаицијата „Можеме“ (46 наспроти 44), која потоа ја формираше втората влада на Зоран Заев, постизборно колаицирајќи со ДУИ.

За разлика од тогаш, во колаицијата на СДСМ овој пат ги немаше Беса, која настапи самостојно на вчерашните локални избори и ДОМ и ЛДП, кои склучија посебна коалиција „Одлучно за промени“. Збирот на гласовите на Беса и на коалицијата ДОМ/ЛДП е над 49 илјади или блиску до разликата меѓу ВМРО-ДПМНЕ и СДСМ. Поточно Беса освои 25 413 гласа на советничките листи во општините во кои настапуваше, додека ДОМ/ЛДП добија 23 906 гласа.

Лидерот на СДСМ, Зоран Заев, во синоќешното постизборно обраќање, по полноќ, во неколку наврати посочуваше дека коалицијата на централно ниво (вклучително со ДУИ) ќе се обедини за вториот круг од изборите, што ќе продолжат во околу 45 општини и во Градот Скопје. Раздружувањето на коалицијата „Можеме“ од минатите парламентарни избори, пак, според Заев е израз на највисока демократија, кога партнерите од централната власт сами излегуваат да си ги измерат силите на изборен терен.

ДОМ/ЛДП и Беса успејаа да им ги поматат сметките на коалициските партнери во однос на исходот од вчерашниот прв изборен круг, ама останаа во сенка на Левица и на Алијансата за Албанците. Треторангирана партија според бројот на гласови на советничките листи е ДУИ со 104 539 гласа, следна е колаицијата Алијанса за Албанците – Алтернатива, која освои 54 970 гласови, а на четврто место е Левица со збирно салдо од 48 228 гласа, според пребројувањето на „360 степени“.

Од другите учесници во годинешнава изборна трка, ГРОМ, која имаше кандидати единствено во Карпош, освои 2 586 гласови за советничката листа, а ДПА 8 565. Листите поднесени од различни група избирачи или независните во различни општини збирно добија 55 629 гласови. Овие пресметки се направени според податоците од ДИК до 15 часот, кога се уште не беа преброени целосно гласовите во неколку општини како на пример, Ѓорче Петров (87%), Карпош (96%), Аеродром (82%), Центар (92%), Ресен (58%).

Што се однесува до Скопје, разликата во гласови меѓу советничките листи на СДСМ и на ВМРО-ДПМНЕ е околу 25 илјади. ВМРО-ДПМНЕ, според резултатите од близу 98 обработени гласачки места, освои 77 023 гласа, а СДСМ 51 644.

ДУИ има 26 336 гласови на советничката листа за Скопје, Алијанса/Алтернатива 11 445, ЛДП/ДОМ 9 034, Левица19 727, Беса – 2 302, додека независната листа на „Зелен хуман град“ освои досега 8 928 гласа.

Резултатите од вчерашното гласање за Советот на Скопје
На ланските парламентарни избори, СДСМ освои 54 618 во првата изборна единица, во која припаѓаат поголемиот дел од скопските општини, наспроти 50 564 гласа за ВМРО-ДПМНЕ, односно меѓу двете најголеми партии имаше повеќе од четири илјади разлика. Во втората изборна единица, во која припаѓа Куманови и другиот дел од скопските општини (Гази Баба, Бутел, Ѓорче Петров), СДСМ лани освои 47 891 наспроти 47 929 гласа за ВМРО-ДПМНЕ, која, всушност, оствари незначителна предност.

sun win

tải sunwin

sun win

sun win

game bài sunwin sunwin apk sunwin