Бомбардирано училиште во Мариупол, луѓе се под урнатините – ОН: Најмалку 847 цивили убиени и 1.399 ранети во Украина до 18 март

Училиште што служело како заштита за околу 400 луѓе во украинскиот пристанишен град Мариупол е погодено од бомба, објавија градските власти на Телеграм.

Зградата се користеше како засолниште за жени, деца и стари лица се додека не беше погодена вчера. Градските власти ги обвинија руските сили дека го извршиле нападот.

-Луѓе се уште се под урнатините, се вели во соопштението. Се уште нема податоци за загинати или повредени.

Русија пак соопшти денеска дека повторно ги истрелала своите најнови хиперсонични ракети во Украина, уништувајќи складиште за гориво на југот на земјата.

-Авијациските ракетни системи Кинжал со хиперсонични балистички ракети уништија големо складиште за горива и мазива на украинските вооружени сили во близина на населбата Костјантинивка во регионот на Николаев, соопшти руското Министерство за одбрана.

Реалниот биланс може да е значително поголем бидејќи ОХЦХР, кој има голем тим за набљудување во земјата, сè уште не може да ги потврди извештаите за жртвите од неколку тешко погодени градови, се додава во извештајот

Канцеларијата на ОН за човекови права (ОХЦХР) соопшти дека најмалку 847 цивили биле убиени и 1.399 ранети во Украина до 18 март.

Повеќето од жртвите настрадале од експлозивно оружје, како што е гранатирање од тешка артилерија и ракетни системи со повеќекратно лансирање, како и ракетни и воздушни напади, соопшти ОХЦХР.

Се смета дека реалниот биланс е значително поголем бидејќи ОХЦХР, кој има голем тим за набљудување во земјата, сè уште не може да ги потврди извештаите за жртвите од неколку тешко погодени градови, се додава во извештајот.

Инаку, според најноваиот извештај на Канцеларијата на ОН за координација на хуманитарни прашања, повеќе од 6,5 милиони луѓе во Украина беа принудени да ги напуштат своите домови и да се преселат во други делови на земјата поради избувнувањето на војната досега.

Ако на ова се додадат 3,3 милиони кои веќе побегнале од Украина, земјата со 44 милиони жители, бројот на раселени е речиси четвртина од сите.

Уште 12 милиони не можат да ги напуштат подрачјата директно погодени поради безбедносни ризици. Уништените патишта и мостови или неможноста да се добијат информации каде ќе бидат безбедни се исто така фактор

Link with us
Game bài đổi thưởng