Бугарската авиокомпанија „Гуливер“ ќе ги поврзе Скопје и Софија за помалку од 50 евра?

Плановите на компанијата, всушност, не се само да се поврзат Скопје и Софија, туку планирани се повеќе авиолинии од повеќе балкански градови до главниот град на Бугарија, од каде што ќе се лета за Њујорк и Торнто, а цените за летовите од Скопје до Софија ќе бидат до 50 евра

Директните летови меѓу Скопје и Софија, кои ги договорија министрите за транспорт и врски на Македонија и Бугарија, Благој Бочварски и Николај Сабев при посетата на бугарската владина делегација во вторникот, најверојатно ќе ги изведува бугарската стартап-компанија „Гуливер“, објави бугарскиот портал „Сега“.

Плановите на компанијата, всушност, не се само да се поврзат Скопје и Софија, туку планирани се повеќе авиолинии од повеќе балкански градови до главниот град на Бугарија, од каде што ќе се лета за Њујорк и Торoнто.

Уште во март минатата година, „Гуливер“ (GullivAir) добила официјална дозвола од американското Министерство за транспорт да оперира со чартер и редовни летови од ЕУ до САД. Во март или април годинава компанијата, како што се наведува, ќе почне да лета на директна линија Софија-Њујорк. „Гуливер“ е овластен да лета директно и до меѓународниот аеродром „Пирсон“ во Торонто, Канада.

Како што пишува „Сега“, прекуокеанските летови ќе се изведуваат со три авиони „ербас А330-200“, кои ќе летаат до „Џон Ф. Кенеди“ во Њујорк, првично двапати неделно, во среда и петок. За да имаат економска исплатливост на кратките летови, тие ќе се вршат со мали авиони – компанијата има двомоторен „АТР-72“, а цената на летот, како што се вели, ќе биде до 50 евра.

За отворање авиолинија Скопје-Софија зборуваше и бугарскиот премиер Кирил Петков при посетата на земјава во вторникот. Тој рече дека ги поздравува разговорите помеѓу министрите за транспорт и врски на двете земји, Благој Бочварски и Николај Сабев, на кои беше договорено во периодот до одржување на заедничката седница на владите на Македонија и Бугарија, кон крајот на овој месец, да се договорат деталите околу воведувањето на оваа авиолинија.

tải sunwin game sunwin sunwin web

game bài sunwin

tải sunwin

game bài sunwin sunwin tải sunwin

game bài sunwin sunwin club game bài sunwin