ГЕРБ го врати мандатот за состав на влада, Бугарија пред нови избори

Иако партијата ГЕРБ на досегашниот премиер Бојко Борисов освои најмногу места во парламентот на изборите на 4 април, бесот поради широко распространетата корупција во земјата ја остави без потенцијални партнери во поделениот парламент.
Мандатарот за состав на новата влада, Даниел Митов му го врати мандатот на претседателот Румен Радев откако двете партии чија поддршка ја бараше ГЕРБ одбија дури и да се состанат со него.
„Со оглед на нивниот арогантен став, нема никаква поента“, изјави премиерот во заминување и лидер на ГЕРБ, Бојко Борисов на партиски состанок пред враќањето на мандатот.

Претседателот Радев рече дека не му се брза да и го понуди мандатот на втората најголема партија во парламентот, движењето на ТВ-водителот и пејач Слави Трифонов, оставајќи и повеќе време да ги разгледа своите опции.

Од партијата на Трифонов, „Има таков народ“ засега не ги откриваат плановите, но најавуваат дека не планираат да застанат на чело на владата, затоа што нема да имаат мнозинство дури и ако им се приклучат двете помали партии во парламентот кои се потенцијални партнери. Од друга страна, Трифонов не сака да коалицира со традиционалните партии како ГЕРБ, Социјалисти и Партијата на Турците.

Доколку не се избере влада по три обиди, парламентот мора да се распушти, и да се формира преодна влада која ќе распише нови избори во рок од два месеци.

Link with us
Game bài đổi thưởng