Илиевски си поднесе оставка од директорското место во ЈСП, од Град Скопје велат му завршил мандатот

Првиот човек на ЈСП „Скопје“, Иван Илиевски после пет месеци си поднесе оставка од функцијата директор на Јавното Сообраќајно претпријатие.

Тој беше назначен пред неколку месеци од страна на актуелната градоначалничка на Скопје, Данела Арсовска.

На директорот на ЈСП Скопје Иван Илиевски му истече мандатот како вршител на должноста, велат од Град Скопје по информациите дека тој поднел оставка пет месеци откако бил назначен на функцијата.

Од градот додаваат дека градоначалничката Данела Арсовска му се заблагодарила на работата и оценила дека Илиевски претпријатието го остава во добра организациска поставеност.

„Ја информираме јавноста дека на досегашниот вршител на должноста директор во Јавното сообраќајно претпријатие, Иван Илиевски му престана мандатот како в.д. директор. Постапката за избор и именување на нов в.д. Директор на ЈСП е во тек. Градоначалничката Данела Арсовска му се заблагодарува за досегашната професионална соработка во Јавното сообраќајно претпријатие, кое го наследил со огромни милионски долгови и кој покрај лошата состојба во која беше затекнато јавното претријатие, информираат од Град Скопје.