КОСОВО И СЕВЕРНА МАКЕДОНИЈА СО ЗАЕДНИЧКА ЦАРИНСКА КОНТРОЛА: Министрите Бесими и Мурати потпишаа договор за заедничка царинска контрола на железничкиот граничен премин Блаце-Хани Елези

16 септември 2021, Скопје – Република Северна Македонија и Република Косово ќе спроведуваат заедничка царинска контрола на железничкиот премин Блаце-Хани Елези.

Тоа го предвидува денеска потпишаниот Договор за спроведување на Спогодбата за соработка меѓу владите на двете земји за погранично регулирање на железничкиот сообраќај. Договорот го потпишаа министерот за финансии на РС Македонија Фатмир Бесими и министерот за финансии на Косово Хекуран Мурати во рамки на заедничката седница на владите на РС Македонија и Р Косово што се одржа во Скопје.

Договорот овозможува поедноставување на граничното регулирање на железничкиот сообраќај и намалување на времето на задржување на граничните премини. Договорот ги утврдува извршувањето на активностите на граничното регулирање на железничкиот сообраќај и ги утврдува правилата на граничното регулирање на железничкиот сообраќај на овој граничен премин. Контролата ќе ја вршат заедно царински работници од двете земји, на една точка, односно на граничниот премин на Република Косово, Хани Елези.

Подоброто поврзување и овозможување услови за побрз проток на лица, стоки и услуги значи подобра трговска размена, просперитет за државите и за регионот. Договорот ќе придонесе за подобро поврзување и побрз проток на стоки и луѓе меѓу двете земји. Со ваквите заеднички активности придонесуваме за поголема пропусна моќ на пратките, како и подобри услови за бизнис заедницата. Трговската размена меѓу двете земји од почетокот на годината бележи раст од 40,2 отсто и достигна ниво од над 200 милиони евра.

Двете земји преземаат активности и работат на унапредување на соработката преку подобрување на инфраструктурното поврзување. Во тек е реализација на проектот за изградба на автопат до граничниот премин Блаце, каде, исто така има иницијатива за поставување заедничка контрола, а во рамки на областа на енергиката се преземаат активности за изградба на Интерконективен гасовод меѓу РС Македонија и Р Косово. Подобрата инфраструктура ќе значи и привлекување повеќе инвестиции. Двете земји имаат потпишано и договори за одбегнување на двојното оданочување по однос на данокот на доход и данокот на капитал, како и за поттикнување и заемна заштита на инвестициите.

Република Северна Македонија веќе има воспставено заедничка контрола на границата со Р Србија на граничниот премин Табановце за патниот сообраќај, а треба да се воспостави и во делот на железницата на Табановце, како и на патниот сообраќај кон Албанија на граничниот премин Ќафасан.

tải sunwin sunwin apk game bài sunwin

tải sunwin

sunwin

sunwin tài xỉu

tải sunwin