РАДОСНА ВЕСТ ЗА ЦЕЛИОТ ИСТОК: На Царев врв ќе се гради модерен ски-центар во вредност од 100 милиони евра

Тој е човекот кој ја промени сликата за политичарите.

Од 2017-та наваму, како дел од власта, со својата трудољубивост, чесност и огромна желба да помага на секаде и секому, држи лекции како треба да се однесува еден политичар кога ја има честа и одговорноста да биде на високи позиции во државата.

Не случајно за него во родниот град Крива Паланка и во Изборната единица три гласаат луѓе од сите партии, затоа што тој во многу примери докажа и покажа дека луѓето не ги дели ниту по верска ниту по партиска припадност. Секој граѓанин е со свој проблем и секој жив човек заслужува да живее еден нормален живот.

Кога ке зазвони телефонот доцна во ноќта за било каква помош поврзана со човечкото здравје, тука нема партии. Има само човечност и мисија-мора да се помогне на секому.

Таков е Љупчо Николовски. Си го сака родниот крај. Речиси секој викенд може да се види како рано изутрина џогира на градското игралиште или вози велосипед по руралните места, каде застанува повремено со мештаните на муабет од каде црпи идеи за нови проекти во кривопаланечко.

Во Крива Паланка во овие три/четири години со помош на владата се реализираа многу крупни проекти и многу се во фаза на реализација. Но она за што сите сонуваат е ски центар. Тоа е огромен проект за чија реализација треба време и огромни средства.

Николовски летово за време на парламентарните избори вети дека целата своја енергија ќе ја насочи кон остварување на овој сон на граѓаните од целиот исток.

“Во срцето на Осоговските планини, на Царев Врв, ќе се гради модерен ски-центар, кој ќе биде еден од петте најголеми центри на Балканот, инвестиција вредна 100 милиони евра!”. Оваа вест денеска ја објави вицепремиерот Николовски.

“Одлуката за изградба на ски-центарот е резултат на координација на градоначалниците од североисточниот регион регионот, а на мој предлог овој проект стана дел од владиниот Интервентен план за инвестиции 2021-2027, кој овозможува одржлив економски раст и подобар животен стандард.

Го развиваме недопрениот источен и североисточен регион и ги фокусираме инвестициите за развој на туризмот преку целосно искористување на природните убавини и потенцијалот на нашата држава.” – почочи тој.

Link with us
Game bài đổi thưởng