Тешка сообраќајна несреќа во Хрватска, километарска колона на автопат – има загинати и повредени

Едно лице загина во тешка сообраќајна несреќа што се случи денеска на автопатот во правец кон Загреб. Според хрватските медиуми, се судриле три возила – со словенечки, словачки и српски регистарски таблички.

Несреќата се случила денеска во 10 часот и 30 минути, а едно лице починало, додека седум лица се пренесени во болница.

Поради несреќата на автопатот настанал голем метеж и се формирала колона долга 10 километри. Хрватските медиуми јавуваат дека се замолуваат патниците да избегнуваат патување преку оваа релација додека не се стабилизира состојбата.

Во тек е увид на местото на несреќата.