(ВИДЕО) МИНИСТЕРКАТА ЗА ТРУД И СОЦИЈАЛА Е МЕЃУ НАЈВРЕДНИТЕ ВО ВЛАДАТА – Шахпаска: По само еден месец аудио читачот „Кико“ ги покажа своите резултати

„На средбата со претставници на Сојузот на слепи ми беше предочено дека аудио читачот „Кико“ е добра апликација која навистина им помага во нивното секојдневно работење“, рече министерката за труд и социјална политика Јагода Шахпаска, на средбата со претставниците на Сојузот на слепи лица.

Целта на социјалната реформа е на лицата со попреченост да им овозможи независен живот, движење во средината, дружење, учество во професионални ангажмани, посетување на образовни институциите.

„После само еден месец откако Аудио читачот е достапен, лицата со оштетен вид имаат серозни придобивки. Претставниците на Сојузот на слепи ми посочија дека аудио читачот е добра алатка бидејќи генерира природен разбирлив глас на македонски јазик. Им овозможува да имаат пристап до сè што претставува секојдневна комуникација, од социјалните мрежи па се до препознавање на бои и организација во движењето. Ние како МТСП и понатаму продолжуваме да работиме за олеснување на секојдневието на лицата со попреченост“, рече Шахпаска.

Претседателот на Сојузот на слепи Жарко Селковски, рече дека дигиталната алатка е од големо значење за слепите лица.

„За еден месец колку што го имаме аудио читачот не само што го користат голем број наши членови туку го користат и лица со оштетен вид од околните земји, Србија, Хрватска и Бугарија.“, рече Жарко Селковски.

Членката на Сојузот на слепи лица Анита Георгиевска рече дека е задоволна што слепите лица конечно имаат говорен програм на свој мајчин јазик.

„Се надевам дека што повеќе луѓе ќе дознаат за овој говорен програм, ќе го користат и ќе бидат задоволни исто како што сме ние“, рече Георгиевска.

Беира Селифовска, од Сојузот на слепи рече дека сега повеќе нема да мораат да пребаруваат по програмите од соседните држави.

„Не само целосно слепите лица туку бенефит ќе имаат и слабовидните лица. Сега со аудио читачот и на овие луѓе им е полесно да читаат и големи текстови“, рече Селифоска.

Апликацијата „Кико“ е целосно бесплатна, и е достапна за сите лица со слаб, оштетен и целосно изгубен вид.

Изработена е во соработка со УНДП, а во финална фаза е албанската верзија на аудио читачот „Хана“. На средбата се разговараше и за паричните права наменети за лицата со посебни потреби, за придобивките од намалување на возрасната граница за лична асистенција од 18 на 6 години.

Министерката Шахпаска упати и апел до лицата со попречености да пристапат кон процесот на вакцинација.

Link with us
Game bài đổi thưởng