ЗАД ОТПОРОТ ЗА ЕТНИЧКИ ВРАБОТУВАЊА СЕ КРИЕ ЛАТЕНТНА АЛБАНОФОБИЈА, ОВОЈ ПАТ ДУИ СЕ ВО ПРАВО И ЈА ИМААТ МОЈАТА ПОДРШКА

Во земјава е тешко да се вработиш ако немаш врески, ако си провинцијалец и дете на работничка класа или селани од провинција или периферија на Скопје, а не пак ако си Албанец, Ром или Турчин…

Смешни се тезите дека немало потреба од субвенционирање на вработувања на малцинства во приватен сектор. Зад отпорот се крие Албанофобија, расизам, фашизам…

Не треба да си многу длабински аналитичен за да го увидиш проблемот. Кога последен пат сте виделе ромка на шалтер во некоја банка или аптека?!?! Кога сте виделе вработен Албанец или Турчин во фирма која не е во Чаир, Сарај или западна Македонија?

Кога сте виделе забулена жена на каса во Скопје, или на шалтер во банка, аптека, бутик а тоа да не е Шутка, Чаир, Сарај или западна Македонија?

Торбешите во земјава за да си се вработат сами себе отвориле ќебапчилници, слаткарници или држат пиљари, знаат дека за нив вратите на фирмите со газди Македонци се затворени. Престанете да паламудите за тоа кој колку е квалитетен ќе напредува, немојте ве молам да ме убедувате дека во земјава нема предрасуди кон Роми, Албанци, Турци, сите тие за 90% од македонците се ЦРНА АРАПИНА од македонските народни приказни и треба да си подалеку од нив! Абе луѓе има предрасуди кон нас Македонците што сме од село а не пак за малцинствата, дај немој да се правите луди!

Македонското општество е поделено, гетоизирано, полно со стереотипи, омразан, суеверија… Треба да си фашист за да го негираш тоа, затоа што ако не го гледаш тоа тогаш мора да мислиш дека е тоа нормално!

После 10 – 20 години кога земјава ќе биде навистина ЕДНО ОПШТЕСТВО ЗА СИТЕ тогаш нема да има потреба од оваа мерка, кога ќе има мешани бракови, кога Комитите нема да пеат ЗА ШИПТАРИ ГАСНА КОМОРА, кога за ромите нема да има толку предрасуди, кога за мусллиманите нема да се гледа како на КЛЕТИ АРАПИ и кога нема да се повикува да се рушат минарињата и џамиите зошто биле многу гласни, а Католичка Црква во Капиштец со тоа камбаната го вади од такт цело Дебар Маало, Центар, Капиштец па се до Козле но за тоа никој не збори… е тогаш овие стимулации нема да бидат потребни!

Ги разбирам ДУИ и останатите етнички партии на малцинствата зошто го промовираат ова како идеја, тие се водени од она што се случува во Германија, Швајцарија, Америка каде на никој не му е гајке кој си каков си одма те вработуваат, а тука ако си дел од малцинствата те ставаат последен на списокот и затоа е тој проблем толку истакнат затоа што има голема невработеност па газдите моѓе да бираат па не само по етнос и вера туку и по изглед и од кај си, ако не дај боже си грд и од село никад нема да се вработиш, затоа во земјава кога праќаш ЦВ бараат да пратиш и слика, демек како изгледаш?!?!

Овие Македонците што цркаат за оваа мерка само ја покажуваат на дело омразата во себе кон се што не е од ГОЦЕВАТА РАСА! Мислат дека со тоа што ќе се помогнат овие вработувања некој ќе им ги зеде нив работните места. Прво тоа е апсурд, нема толку многу малцинства кои можат да ги заменат Македонците во фирмите, потоа тие стимулации нема да се толку атрактивни за да фирмите бираат некфалификувани и некадарни малцинства за местото на кадарните и учени Македонци, едноставно стимулациите ќе бидат така одмерени за да ги охрабрат газдите малку да гледаат поеднакво кон сите, нема потреба од страв од оваа мерка, целта е општеството да се направи еднакво за сите, животот да биде за сите со еднакви можности, да нема граѓани од прв ред и граѓани од втор ред…

sunwin tài xỉu

sunwin

sunwin

sunwin

tải sunwin