Џозеф: Бугарското малтретирање на Македонија веќе е проблем и на НАТО
Џозеф: Бугарското малтретирање на Македонија веќе е проблем и на НАТО
Ковачевски со поддршка за Парадата на гордоста: Секој има право на почит и достоинство
Ковачевски со поддршка за Парадата на гордоста: Секој има право на почит и достоинство
Глобално обединети можеме да обезбедиме храна за сите е заклучокот од министерската конференција во Берлин „Uniting for Global Food Security“
Глобално обединети можеме да обезбедиме храна за сите е заклучокот од министерската конференција во Берлин „Uniting for Global Food Security“
ДРАМА ВО ПРИЛЕП: Сакал да прегази полицајци со комбе, тие пукале во гумите, граѓаните се извадиле од памет!
ДРАМА ВО ПРИЛЕП: Сакал да прегази полицајци со комбе, тие пукале во гумите, граѓаните се извадиле од памет!
Тренчевска: Преку кампањата „Подај рака и промени живот – стани згрижувач!“, ја подигаме свеста на значењето на згрижувачките семејства
Тренчевска: Преку кампањата „Подај рака и промени живот – стани згрижувач!“, ја подигаме свеста на значењето на згрижувачките семејства
Медиумски реформи – три чекори напред, два чекора назад
Медиумски реформи – три чекори напред, два чекора назад
Едвард Џозеф: Софија може да ги поткопа темелите на македонската држава
Едвард Џозеф: Софија може да ги поткопа темелите на македонската држава
КАЕВСКИ: Срамно, Мицкоски и ВМРО-ДПМНЕ ширеа лаги и ги рушеа државните позиции со Бугарија
КАЕВСКИ: Срамно, Мицкоски и ВМРО-ДПМНЕ ширеа лаги и ги рушеа државните позиции со Бугарија

Украинците храбро се борат против надмоќниот непријател си ја бранат татковината – Траат жестоки борби низ цела Украина, убиени 500 руски војници, загубени се 130 украински – Украинската војска се обидува да ги потисне Русите од Киев

Украинските сили се борат да ги задржат руските трупи надвор од Киев на вториот ден од руската инвазија, која исто така е обележана со нови воздушни напади и судири на различни боишта низ Украина.

Генералштабот на украинската армија соопшти дека украинските сили пружаат силен отпор на „руските окупатори“ околу Киев.

Во Димер и Иванкив, населби северозападно од градот, украинската војска го запре налетот на „непријателските сили“ на реката Тетрив. Уништен е мостот на реката, се вели во соопштението.

Во текот на утрото во Киев повторно се огласија сирените за општа опасност. Илјадници луѓе се засолниле во станиците на метрото.

Украинскиот министер за надворешни работи на Твитер објави дека градот преживеал „страшни“ руски напади во текот на ноќта.

„Последниот пат кога нашиот град доживеа такво нешто во 1941 година, кога беше нападнат од нацистичка Германија. Украина повторно ќе го победи злото“, напиша Дмитро Кулеба.

Советникот на украинскиот министер за внатрешни работи Антон Герашченко на Твитер објави дека Киев бил нападнат ноќе со крстаречки или балистички ракети. Според локалните новински агенции, руското Министерство за одбрана го демантира тоа.

Украинските сили во петокот во раните утрински часови соборија непријателски авион над Киев, кој потоа удри во станбена зграда и ја запали. И градоначалникот Виталиј Кличко објави дека гори на повеќе места во Киев.

Неколку лица се повредени, а едно е во критична состојба.

Украинскиот претседател Володимир Зеленски ги обвини руските сили дека цели на цивили. „Целта на овој напад е притисок. Русите не прават разлика меѓу цивилни и воени цели“.

Украинскиот Генералштаб тврди дека Русите го користат аеродромот Гомел во Белорусија за да соберат сили за напад на Киев од северозапад.

На друго место, Руси нападнале аеродром во западниот град Ривне, според извештаите на медиумите. Борби има и во Суми, на североисток, во близина на руската граница.

Украинската војска смета дека Русите се обидуваат да воспостават коридор од Крим до сепаратистичките области во источна Украина.

Претходно петокот британскиот министер за одбрана Бен Валас изјави дека Русија има намера да ја окупира цела Украина, но дека руската војска не успеала тоа да го реализира на првиот ден од инвазијата,

Валас тврди и дека Русите изгубиле 450 војници и дека аеродромот северно од Киев повторно е во украински раце.

Русија во четвртокот наутро започна општа инвазија на Украина. Првиот ден, според украинскиот претседател, загинале 137 украински војници.

Во Украина е прогласена вонредна состојба и прогласена е општа мобилизација.

Западните земји одговорија на инвазијата со воведување остри санкции кон Русија. Москва во петокот одговори со објавување на подготвеност да воведе контрасанкции на Западот.

„Знаеме кои се нивните слабости“, рече Валентина Матвиенко, претседател на Горниот дом на рускиот парламент.

loading...