Советникот на украинскиот претседател Володимир Зеленски кажа дека рускиот предлог Украина да усвои неутралност во австриски стил е неприфатлив за земјата.
Михајло Подољак, член на украинскиот преговарачки тим, им кажа на локалните медиуми дека секој мировен договор мора да биде под украински услови кои го штитат суверенитетот на земјата.
„Го разбираме обидот на нашите партнери да останат проактивни во процесот на преговорите. Но Украина сега е во состојба на директна војна со Русија“, кажа Подољак.
Јасно му е, како што кажа, дека се спомнуваат австрискиот и шведскиот модел на неутралност.
„Затоа моделот може да биде само украински и само со законски проверени безбедносни гаранции. И без други модели или опции“, додаде тој.
Шведскиот или австрискиот модел ќе значи дека Украина ќе може да ја задржи својата војска, но нема да може да странски трупи или бази на нејзина територија.
