Генералниот секретар на СДСМ, Миле Зечевиќ попладневно ги продолжи интензивните теренски посети и активности. На средба со членовите и симпатизерите на СДСМ од општинската организација во Ресен, Зечевиќ порача дека вистински патриотизам денеска е општествено обединување околу европскиот пат на земјата.
-Без храброста и пожртвуваноста на нашите предци, учесниците во НОБ, немаше да биде возможно ниту создавањето на слободната македонска држава. На тие вредности почива и нашата македонска земја и на тие вредности почива СДСМ. Државничките одлуки токму на СДСМ беа клучни за патот на државата во изминатите 31 година а денеска се клучни за европската иднина. СДСМ ќе води по овој вистински пат, но потребно е општествено обединување околу европскиот правец. Затоа што македонската иднина е европска, да бидеме дел од европското семејство на државотворни народи. Ве повикувам сите да дадеме придонес за обединување околу европскиот пат на земјата, тоа е вистински патриотизам денеска, рече Зечевиќ.