На Украина ќе и стигне нова транша од шест милијарди долари – од помошта која беше блокирана во американскиот Конгрес со месеци. Оваа е втора транша, откако во средата беше најавена помош за Киев од милијарда долари.
Овие две суми се дел од пакетот помош од 61 милијарда долари за Киев што конечно беше одобрен оваа недела од американскиот Конгрес и потврден со потпис на американскиот претседател Џо Бајден.
Додека помошта од една милијарда долари одобрена во средата ќе дојде од залихите на американската војска, оваа објавена денеска ќе биде обезбедена преку договори со одбранбената индустрија или со партнери. Тоа значи дека на оваа помош ќе и треба повеќе време за да стигне до бојното поле, пренесе МИА.
По потпишувањето на пакетот помош од 61 милијарда долари за Украина во средата, Бајден вети дека брзо ќе испрати многу оружје во Киев.
